ايماقتار • 29 ءساۋىر، 2020

تۇركىستان: تولەبي اۋدانىندا ماشينا جاساۋ زاۋىتى ىسكە قوسىلادى

509 رەت كورسەتىلدى

تۇركىستان وبلىسى تولەبي اۋدانىندا ونەركاسىپ سالاسىنداعى ءىرى جوبالاردىڭ ءبىرى - «لەنگەر ماشينا جاساۋ» زاۋىتى بيىل ىسكە قوسىلاتىن بولادى.

بۇل جوباعا 2 ملرد تەڭگە ينۆەستيتسيا تارتىلعان. قازىرگى تاڭدا جالپى وندىرىستىك اۋماعى 13096 شارشى مەتر بولاتىن كاسىپورىندا تولىقتاي قايتا قۇرۋ، جاڭارتۋ جۇمىستارى جۇرگىزىلۋدە.

كاسىپورىن ماشينا جاساۋ ونەركاسىبىنە ماماندانعان. ياعني حالىقتىڭ سۇرانىسىنا قاجەتتى ماشينا جابدىقتارى، جيھاز ونىمدەرى، تەمىر بۇيىمدارى مەن بولشەكتەرى شىعارىلماق. جىل سايىنعى ونىمدىلىگى - 60-70 توننا. زاۋىتتا وتاندىق شيكىزات پايدالانىلىپ، وندىرىلگەن ونىمدەردى ەلىمىزدىڭ ىشكى نارىعىنا شىعارۋ جوسپارلانۋدا. الداعى ۋاقىتتا جاڭا جۇمىس ورىندارى اشىلىپ، 250 ادامدى جۇمىسپەن قامتۋ كوزدەلىپ وتىر.

 

تۇركىستان وبلىسى

سوڭعى جاڭالىقتار

تۇركىستان جاسىل قالاعا اينالۋدا

وڭتۇستىك قازاقستان • كەشە

ۇقساس جاڭالىقتار