دەگەنمەن, مەملەكەت باسشىسى قاتاڭ سانيتارلىق قاۋىپسىزدىكتى ساقتاي وتىرىپ, ەلوردا مەن الماتى قالالارىندا كەيبىر نىسانداردىڭ جۇمىسىن باستاۋىنا رۇقسات بەردى. سونداي-اق پرەزيدەنت قازىرگىدەي كۇردەلى كەزدە ەلىمىزدىڭ ءاربىر ازاماتىنىڭ نازاردان تىس قالمايتىنىن جانە مەملەكەت ەشكىمدى قيىندىقتا قالدىرمايتىنىن دا جەتكىزدى. قاسىم-جومارت توقاەۆتىڭ وسى مالىمدەمەسىنە قاتىستى سەنات دەپۋتاتى, ەكونوميكالىق ساياسات, يننوۆاتسيالىق دامۋ جانە كاسىپكەرلىك تۇراقتى كوميتەتىنىڭ مۇشەسى ءالىمجان قۇرتاەۆ ءوز ويىن بىلدىرگەن بولاتىن.
«ەلىمىزدەگى احۋالعا بايلانىستى توتەنشە جاعدايلار جونىندەگى كوميسسيانىڭ شەشىمىن نەگىزگە الا وتىرىپ, ەل پرەزيدەنتى قاسىم-جومارت توقاەۆ كارانتين مەرزىمىن ۇستىمىزدەگى جىلدىڭ 11 مامىرىنا دەيىن سوزدى. ايتۋلى ىندەت الەم ەلدەرى مەن قوسا قازاقستاندى دا دۇربەلەڭگە سالعالى ءبىراز ۋاقىت بولدى. كوروناۆيرۋسپەن كۇرەس 2 جولمەن ءجۇرىپ كەلە جاتىر. ونىڭ العاشقىسى – قىتاي باستاعان ءبىراز مەملەكەتتەر ءوز ەلدەرىندە كارانتين جاريالاپ, ءجۇرىس-تۇرىسقا تىيىم سالىپ, ۆيرۋستىڭ تارالۋىنا جول بەرمەۋدە. ەكىنشىسى – ول برازيليا, يران, بەلارۋس سياقتى ەلدەر ءبىرىنشى كەزەكتە ەكونوميكانى ساقتايمىز دەپ, كارانتين جاريالاماي باسقا جولمەن جۇرۋدە. ارينە بارلىعىنا ۋاقىت تورەشى», دەدى ءا.قۇرتاەۆ.
سەناتور مەملەكەت باسشىسىنىڭ ەل قاۋىپسىزدىگى ءۇشىن توتەنشە جاعداي رەجيمىن سوزۋ تۋرالى شەشىمىن قولدايتىنىن العا تارتتى.
«مەملەكەت باسشىسى قاسىم-جومارت توقاەۆ ەلدىڭ اماندىعى, حالىقتىڭ دەنساۋلىعى بارىنەن جوعارى دەپ ەلدە كارانتين جاريالادى. وتە دۇرىس شەشىم دەگىم كەلەدى. كارانتين جاريالانعالى 45 كۇن بولىپتى, ارينە وسىنشاما ۋاقىت بويى ۇيدەن شىقپاي وتىرۋ وڭاي ەمەس. دەگەنمەن, مەملەكەت تاراپىنان حالىققا كومەك, قولداۋلار كورسەتىلىپ جاتىر. ونىڭ ىشىندە تۇرمىسى تومەن جانە تابىسىن جوعالتقان وتباسىلارعا قارجىلاي جانە ازىق-ت ۇلىكتەي كومەك بەرىلۋدە. ۇكىمەت تاراپىنان بولىنگەن 42 500 تەڭگە الەۋمەتتىك قولداۋ اقىسىن 4 ملن-نان استام ادام السا, ودان بولەك 1 ملن-نان استام ادام ازىق-ت ۇلىكتەي جاردەم الدى. سونىمەن قاتار, 1 ملن 600 مىڭ ادامعا تۇرعىن ءۇي شارۋاشىلىق شىعىندارىن وتەۋ كومەگى كورسەتىلدى. ەل ەكونوميكاسىنىڭ نەگىزگى دىڭگەگى بيزنەس, سول سەبەپتى ءىرى, ورتا جانە شاعىن بيزنەستى قولداۋعا پرەزيدەنت قاسىم-جومارت توقاەۆ 6 تريلليون تەڭگە تەڭگەگە جۋىق قارجى ءبولىنىپ وتىرعانىن ايتتى. ۇكىمەتكە وسى ءبولىنىپ وتىرعان قارجىنى ءتيىمدى پايدالانۋ جولدارىن قاراۋدى تاپسىردى», دەدى ول.
سونداي-اق, سەنات دەپۋتاتى توتەنشە جاعدايدان كەيىنگى ەل ەكونوميكاسىنىڭ دامۋىنا الاڭداۋشىلىق تانىتانىنىن ءبىلدىردى.
«ەل پرەزيدەنتى باسا نازار اۋدارعان تاعى ءبىر دۇنيە – ول كارانتيننەن كەيىنگى ءومىر. وسىعان وراي ەكونوميكانىڭ بارلىق سالاسىنا كومەك, قولداۋ قاجەت. سەبەبى كارانتيننىڭ سالدارىنان ەكونوميكا سالالارى قۇلدىراپ جاتىر. الدىمەن ول اۋىل شارۋاشىلىعى سالاسىنا اۋقىمدى كومەك كەرەك. ودان كەيىن ەكونوميكامىزدىڭ درايۆەرى سانالاتىن قۇرىلىس سالاسى. ق.توقاەۆ 27 ءساۋىر كۇنگى مالىمدەمەسىندە ۇكىمەت پەن ۇلتتىق بانككە 11 مامىرعا دەيىن ەكونوميكانى ودان ءارى دامىتۋدىڭ جوسپارىن قۇرۋ تاپسىرماسىن بەردى. مەملەكەت باسشىسىنىڭ ەلىمىزدە دەر كەزىندە توتەنشە جاعداي جاريالاپ, ءتيىستى شارالاردى ۋاقىتىلى قابىلدانۋىنىڭ ناتيجەسىندە ۇكىمەت جاعدايدى ءوز باقىلاۋىندا ۇستاپ وتىر. ءبىز, سەنات دەپۋتاتتارى ءوز كەزەگىمىزدە ناقتى ۇسىنىستارىمىزدى ازىرلەپ جاتىرمىز. دەگەنمەن, شىعىن جوق ەمەس بار, وسى ىندەتتىڭ سالدارىنان كوز جۇمعان ازاماتتارىمىز دا بار. ولاردىڭ جاقىندارىنىڭ قايعىسىنا ورتاقپىز. ال اۋىرىپ جاتقان جانداردىڭ تەز ساۋىعىپ شىعۋىن تىلەيمىز», دەدى سەناتور.
