مۇناي تاسىمالداۋ كولەمى قمگ وپەراتسيالىق ۇلەسىنە ءاربىر جەكە قۇبىر كومپانياسىنىڭ تاسىمالداۋ كولەمىن ەسكەرەدى. مۇناي كولەمىنىڭ ءبىر بولىگىن ەكى نەمەسە ءۇش قۇبىر كومپانياسى تاسىمالداۋى مۇمكىن جانە سايكەسىنشە بۇل كولەمدەر مۇناي تاسىمالداۋدىڭ شوعىرلاندىرىلعان كولەمىندە ءبىر رەتتەن ارتىق ەسەپكە الىنادى. ماگيسترالدى قۇبىرلار ارقىلى مۇناي تاسىمالداۋ كولەمى 3,8%-عا ازايىپ, 16 158 مىڭ توننانى (قمگ ۇلەسىنە) قۇرادى. وسىنداي شامالى دەڭگەيدەگى تومەندەۋ «سنپس-اقتوبەمۇنايگاز» اق-دان مۇنايدى شەكتەۋلى جەتكىزۋىنە جانە مۇناي قۇبىرلارى جۇيەسىنە قۇمكول كەن ورىندارى توبىنىڭ مۇناي تاپسىرۋ كولەمىنىڭ ازايۋىنا بايلانىستى. كولەمنىڭ ازايۋى كاسپي قۇبىر كونسورتسيۋمىنىڭ (كقك) تاسىمالداۋ كولەمىندەگى قمگ ۇلەسىنىڭ 4,7%-عا3 514 مىڭ تونناعا وسۋىمەن ءىشىنارا وتەلدى.2020 جىلعى ءبىرىنشى توقساندا مۇنايدى تەڭىزبەن تاسىمالداۋ كولەمىنىڭ 17,4%-عا 2 359 مىڭتونناعا دەيىن تومەندەۋى جەرورتا تەڭىزىنە جانە اقتاۋ-ماحاچكالا باعىتى بويىنشا جۇك جونەلتۋشىلەر كولەمىنىڭ ازايۋىمەن تۇسىندىرىلەدى.
2020 جىلعى ءبىرىنشى توقساندا قمگ ماگيسترالدى گاز قۇبىرلارى ارقىلى گاز تاسىمالداۋكولەمى 9,4%-عا 28 320 ملن م³ دەيىن ۇلعايدى. ءوسۋ نەگىزىنەن تۇركمەن گازىنىڭ ترازينتتىك تاسىمالداۋىن ىسكە اسىرۋىمەن, قازاقستان رەسپۋبليكاسىنىڭ اۋماعى ارقىلى «گازپروم»جاو رەسەي گازى اعىندارىنىڭ ارتۋىمەن جانە وزبەكستانعا گازدىڭ ترانزيتتىك كولەمدەرىنىڭ ۇلعايۋىمەن بايلانىستى.
2020 جىلعى ءبىرىنشى توقساندا تاۋارلىق گازدى ساتۋ كولەمى 2019 جىلعى ءبىرىنشى توقسانداعى ساتۋ كولەمىمەن سالىستىرعاندا 7,8%-عا ۇلعايىپ, 7 802 ملن م³ قۇرادى. تاۋارلىق گازدىڭ ەكسپورتى 2 565 ملن م³ قۇرادى. ونىڭ 76%-ى 2018 جىلدىڭ قازان ايىندا قىتايعا تابيعي گازدى 10 ملرد م3 دەيىنگى كولەمدە جەتكىزۋ تۋرالى قول قويىلعان كەلىسىمنىڭ شەڭبەرىندە قىتاي حالىق رەسپۋبليكاسىنىڭ (قحر) اۋماعىنا ەكسپورتقا جىبەرىلدى. پاندەميا سالدارىنان 2020جىلعى ءبىرىنشى توقساندا قحر باعىتىندا گاز ەكسپورتى جوسپارلانعان كولەمنەن تومەن, بىراق وتكەن جىلعى ءبىرىنشى توقسانداعى جەتكىزۋ كولەمىنەن 10%-عا جوعارى بولدى.
ماڭعىستاۋ وبلىسى
