ايماقتار • 29 ءساۋىر، 2020

و.ورازالين «قازحروم» تۇك» № 4 بالقىتۋ تسەحىنداعى پەشتى قىزدىرۋ ءراسىمىن باستاپ بەردى

29 رەت كورسەتىلدى

29 ءساۋىر، سارسەنبى كۇنى وبلىس اكىمى وڭداسىن ورازالين اقتوبە فەرروقورىتپا زاۋىتىندا بولىپ، بالقىتۋ تسەحىنداعى  پەشتى قىزدىرۋ ءراسىمىن باستاپ بەردى. ايتىپ وتەيىك، ەلدەگى  تج  كەزىندە «قازحروم» ماماندارى قىسقا مەرزىمدە № 4 بالقىتۋ تسەحىنىڭ №43 پەشىنە جوسپارلى كۇردەلى جوندەۋ جۇمىستارىن جۇرگىزىپ شىقتى. بۇل فەرروحروم وندىرۋدە كوڭىل قۋانتارلىق كورسەتكىشتەرگە جەتۋگە سەپ بولماق.

كومپانيا باسشىلىعى وبلىس اكىمىنە باستاپقىدا  ماڭىزدى جوبا رەسەي مەن وار مەردىگەر كومپانيالارىنا سەنىپ تاپسىرىلىماق بولعانىن، الايدا COVID-19 پاندەمياسىنا بايلانىستى مەردىگەر كومپانيا جۇمىستى باستاي المايتىندىعىن جەتكىزدى. «بۇرىن-سوڭدى اقتوبە فەرروقورىتپا زاۋىتىندا مۇنداي  اۋقىمدى جۇمىستاردى ءوز كۇشىمىزبەن ورىنداپ كورمەگەن ەدىك. بىراق توتەنشە جاعداي شارتتارىنا سايكەس، بىزگە وزگەشە سىن بولدى. باستاپقىدا، ءبىز بەلگىلەگەن مەرزىمگە ەشكىم سەنبەدى. جۇمىستى ورىنداۋ ءۇشىن ءبىز بۇرىن وسىنداي تاجىريبە جيناقتاعان اقسۋ قالاسىنداعى فيليالىمىزدان جوندەۋ قىزمەتى ماماندارىن الدىرتتىق. ءوڭىر باسشىسىنىڭ قولداۋىنىڭ  ارقاسىندا ولار اقتوبەگە وتەتىن بلوك-بەكەتتەردەن ەش كەدەرگىسىز ءوتتى. بۇل بىزگە ماڭىزدى جوبانى ۋاقىتىندا جۇزەگە اسىرۋعا مۇمكىندىك بەردى»،- دەدى «قازحروم» تۇك» اق پرەزيدەنتى ارمان ەسەنجولوۆ. 

ناتيجەسىندە، جوندەۋ جۇمىستارىن الەمدىك كومپانيانىڭ تالاپ ەتكەن مەرزىمىنەن بۇرىن، ياعني 65 تاۋلىككە جوسپارلانعان جۇمىستاردى 54 تاۋلىكتە اياقتاپ شىقتى.  جوبا قۇنى 7 ملرد. تەڭگەدەن اسادى. بۇگىنگى تاڭدا زاۋىتتا جۇمىستىڭ كەلەسى كەزەڭى – امەريكاندىق «Hotwork» كومپانياسى جۇزەگە اسىراتىن پەشتى قىزدىرۋ جۇمىسى باستالدى. كۇردەلى جوندەۋگە دەيىن № 43 پەش 40-50 مۆت قۋاتپەن جۇمىس ىستەدى. تياناقتى ىسكە اسىرىلعان اۋقىمدى جۇمىس ناتيجەسىندە پەش قۋاتىن 2020 جىلدىڭ ەكىنشى جارتىجىلدىعىندا 65-70 مۆت-قا دەيىن جەتكىزۋگە مۇمكىندىك بار.

سوڭعى جاڭالىقتار

ەڭبەكتىڭ ەلەنگەنى جاقسى

پىكىر • بۇگىن، 20:33

«رولان گارروس» باستالدى

سپورت • بۇگىن، 20:26

ءالجاننىڭ كىسە بەلبەۋى

تاريح • بۇگىن، 20:23

ۇقساس جاڭالىقتار