ەگىستىك جۇمىستارىنا - 912 تەحنيكا جۇمىلدىرىلدى. اتاپ ايتقاندا ىلعال جابۋعا -664, جىرتۋعا -188, وڭدەۋ جۇمىستارىنا 78,3 مىڭ تەحنيكا.
12,2 مىڭ گا جەر اۋماعىنا كوپجىلدىق ءشوپ, 30 گا اۋماققا كوكونىس ء(سابىز) ەگىلدى.
بيىلعى جىلى ەگىستىك القاپتارى 153,1 گا ۇلعايتىلىپ, 1 ملن 480,3 مىڭ گا جەردى قۇرادى, بۇل بىلتىرعى جىلدىڭ دەڭگەيىمەن سالىستىرعاندا 11,5% -عا ارتىق. نەگىزگى باسىمدىق جەمشوپتىك داقىلدارعا بەرىلىپ, 140 مىڭ گا جەرگە ەگىلۋ جوسپارلانىپ وتىر. سونداي-اق, مايلى داقىلدار اۋماعى 30 مىڭ گا, كارتوپ 1,5 مىڭ گا, كوكونىستەر 700 گا ارتتىرىلماقشى.
ەگىس جۇمىستارىنا تەحنيكا تولىق دايىن. تۇتاس العاندا ەگىس ناۋقانىنا 11 184 تراكتور, 182 ەگىس كەشەنى, 1 274 سەپكىشتەردىڭ بارلىق تۇرلەرى جۇمىلدىرۋ جوسپاردا.
قازىرگى ۋاقىتتا 4,8 ملرد تەڭگەگە 118 دانا تەحنيكا, 3,2 ملرد تەڭگەگە 79 دانا تەحنيكا ءوز قاراجاتتارىنان, 1,6 ملرد تەنگەگە 39 دانا تەحنيكا «كازاگروقارجى» اق ەسەبىنەن الىندى.
وسىمدىك شارۋاشىلىعىن قولداۋعا جەرگىلىكتى بيۋدجەتتەن 3,1 ملرد تەڭگە سۋبسيديا ءبولىندى. «اگروبيزنەس» جانە «كەڭ-دالا» باعدارلامالارى بويىنشا «اگرارلىق نەسيە كورپوراتسياسى» اق ارقىلى كوكتەمگى ەگىستىك جۇمىستارىن جۇرگىزۋ ءۇشىن 3,1 ملرد تەڭگەگە 100-دەن استام جەڭىلدەتىلگەن نەسيە بەرۋ جوسپارلانىپ وتىر.
كارانتين كەزەڭىندە 2510 دانا اۋىلشارۋاشىلىق تەحنيكاسى مەن كوكتەمگى دالا جۇمىستارىنا تارتىلعان 1370 ادامنىڭ بەكەتتەردەن كەدەرگىسىز ءوتۋ ماسەلەسى شەشىلگەن.
