ۆيرۋس جۇقتىرعان 1989, 1996 جانە 2014 جىلعى 3 ەر ازامات جانە 1983, 1994, 2005, 2006, 2006, 2012 جانە 2018 جىلعى 7 ازاماتشا وزىنە دەيىن ۆيرۋستى جۇقتىرعان ادامدارمەن قارىم-قاتىناستا بولعان. بارلىعى بىردەن كارانتيندىك ستاتسيونارعا جاتقىزىلىپ, زەرتحانالىق سىناما الىنعان. ناۋقاستاردىڭ بارلىعى قاراقيا اۋدانى سەنەك اۋىلىنىڭ تۇرعىندارى. پتر دياگنوستيكالىق زەرتتەۋ قورىتىندىسىمەن COVID-19 دياگنوزى ناقتىلاندى. قازىرگى تاڭدا ناۋقاستاردىڭ جاعدايى قاناعاتتانارلىق. بەكىتىلگەن حاتتاماعا سايكەس ءتيىستى ەم جۇرگىزىلۋدە. ناۋقاسپەن قارىم-قاتىناستا بولعان ادامدار انىقتالىپ, بارلىعى مەديتسينالىق باقىلاۋعا الىنۋدا. قازىر سەنەك اۋىلىندا تولىقتاي دەزينفەكتسيالىق جۇمىستار باستالىپ كەتتى, دەلىنگەن حابارلامادا.
29.04.2020 ج. جاعداي بويىنشا وڭىردە بارلىعى 44 ادامنان COVID-19 ۆيرۋسى انىقتالدى. اقتاۋدا – 18, جاڭاوزەندە – 5, ماڭعىستاۋ اۋدانىندا – 4, مۇنايلى اۋدانىندا – 3, قاراقيا اۋدانى – 14, جازىلىپ شىققانى – 7, قايتىس بولعان – 1 ادام.
ماڭعىستاۋ وبلىسى
