قۇجاتقا سايكەس, تۇرعىندار بالالار الاڭدارى مەن اۋلالارعا 5:00-دەن 21:00-گە دەيىنگى ارالىقتا عانا بارا الادى. سونداي-اق ولار الاڭدار مەن اۋلالار اۋماعىنا زالالسىزداندىرۋ جۇمىستارىن جۇرگىزەتىن بولادى. بارلىق قولجەتىمدى جەرلەردە, ەڭ الدىمەن حابارلاندىرۋ تاقتالارىندا كارانتيندىك ءتارتىپتى ساقتاۋ شەڭبەرىندە تالاپ ەتىلەتىن جەكە جانە زاڭدى تۇلعالار ءۇشىن شەكتەۋلەردىڭ بارلىق تۇرلەرى تۋرالى ەسكەرتپەلەر ورنالاستىرىلادى.
الماتى قالاسىنىڭ تۇرعىندارى بالالار الاڭدارى مەن اۋلالارعا, باۋ-باقشا (ساياجاي) ۋچاسكەلەرىنە بارعان كەزدە 2 مەتردەن كەم ەمەس ارالىقتا الەۋمەتتىك قاشىقتىقتى ساقتاۋى قاجەت. وتباسى مۇشەلەرىن قوسپاعاندا, ءۇش ادامنان ارتىق جينالۋعا تىيىم سالىنادى. وزدەرىمەن بىرگە جەكە قورعانۋ قۇرالدارىن الىپ ءجۇرۋ جانە بەتپەردە تاعۋ تالاپ ەتىلەدى.
ءوز كەزەگىندە, قۇقىق قورعاۋ ورگاندارىنىڭ قىزمەتكەرلەرى ەنگىزىلگەن شارالاردى ورىنداۋ بويىنشا كوشەلەردى, اۋلالار مەن الاڭداردى تاۋلىك بويى پاترۋلدەۋدى قامتاماسىز ەتەدى.
