ماسەلەن, «بايتەرەك» حولدينگىنىڭ ەنشىلەس ۇيىمى – «قازاقستاننىڭ تۇرعىن ءۇي قۇرىلىس جيناق بانكى» اق (تقجب) داعدارىسقا قارسى شارالار رەتىندە بارلىق كليەنتتەرىنە قولدانىستاعى قارىزدارى بويىنشا تولەمدەرىن كەيىنگە شەگەرۋگە رۇقسات بەردى. ول 2020 جىلعى 16 ناۋرىز بەن 15 ماۋسىم ارالىعىنداعى كەزەڭدە ارەكەت ەتەتىن بولادى. بۇل رەتتە, مەرزىمى وتكەن تولەمدەرگە ايىپپۇلدار مەن ءوسىمپۇلدار ەسەپتەلمەيدى. قارىز الۋشىلارعا نەسيەنى تولەمەۋ سەبەپتەرىن راستايتىن قۇجاتتاردى ۇسىنۋ قاجەت ەمەس. ولار تقجب-نىڭ ينتەرنەت-بانكينگىندە 15 ساۋىردەن باستاپ تج رەجيمى اياقتالعانعا دەيىن ءوتىنىش بەرسە جەتكىلىكتى. وتىنىمدەردى قابىلداۋ اياقتالاتىن جوسپارلى مەرزىم – 2020 جىلعى 11 مامىر.
22 ساۋىردەگى مالىمەتتەر بويىنشا وسى داعدارىسقا قارسى شارانى بانكتىڭ 17 039 قارىز الۋشىسى پايدالانعان.
كليەنتتەرىنە ىڭعايلى بولۋ ءۇشىن تقجب قاشىقتىقتان جۇمىس ىستەۋ ارنالارىن كۇشەيتۋدە. دەپوزيتتەردى بەينەقوڭىراۋ ارقىلى ونلاين اشۋ قىزمەتى ىسكە قوسىلدى. بانك سايتىنا كىرىپ, ونى پايدالانۋعا بولادى. سونىمەن قاتار, قازاقستاندىقتارعا باسقا دا قاشىقتىقتان قىزمەت الۋ مۇمكىندىكتەرى ۇسىنىلعان: ينتەرنەت-بانكينگ, موبيلدىك قوسىمشا, WhatsApp جانە Telegram-ارنالار, تولەم تەرمينالدارى, 300 تەلەفونى بويىنشا IVR جۇيەسى.
ايتا كەتەيىك, اعىمداعى جىلدىڭ ءبىرىنشى توقسانىندا تقجب سالىمشىلارى ءوز دەپوزيتتەرىندە 125 ملرد تەڭگە جينادى. جىل باسىنان باستاپ 93 508 جاڭا جيناق شوتتارى اشىلدى. دەپوزيتتەرگە دەگەن مۇنداي سۇرانىستى كرەديت بويىنشا مولشەرلەمەلەردىڭ قولجەتىمدىلىگىمەن ءتۇسىندىرۋگە بولادى, بانك كليەنتتەرى كەيىنتەڭگەمەن بەلگىلەنگەن ءتيىمدى مولشەرلەمەل
قازىرگى ۋاقىتتا تقجب-ءنىڭ نەسيەلىك قورجىنى 1,034 تريلليون تەڭگەگە تەڭ. بانكتە بارلىعى 160 000 قولدانىستاعى قارىز بار. جىل باسىندا كوزدەگەن بارلىق جوسپارلى كورسەتكىشتەردى تۇرعىن ءۇي قۇرىلىس جيناق بانكى 100% ورىندادى. بۇل رەتتە, بانكتىڭ قارىز الۋشىلارى ەڭ ءتارتىپتى بولىپ تابىلادى. بۇل NPL (تولەم مەرزىمى 90 كۇنگە كەشىكتىرىلگەن قارىزدار) دەڭگەيىنىڭ تومەن بولۋىنا ىقپال ەتۋدە. قازىر بۇل كورسەتكىش 8% ورتاشا بانك دەڭگەيىندە 0,18%-عا تەڭ.
بيىل بانك «باقىتتى وتباسى» باعدارلاماسىن جۇزەگە اسىرۋدى جالعاستىرۋدا. ىسكە اسىرىلعان ءبىرىنشى كەزەڭ قورىتىندىسى بويىنشا 4 955 وتباسى تۇرعىن ءۇي ساتىپ الىندى. قازاقستاندا توتەنشە جاعداي جاريالانعان 2020 جىلعى 16 ناۋرىزعا دەيىن بانك تاعى 710 جاڭا ءوتىنىمدى قابىلداپ, بەكىتىپ ۇلگەردى. نەسيەگە وتىنىمدەردى قابىلداۋ 2020 جىلدىڭ 4 مامىرىنان قايتا باستالادى.
«اسكەري ءونىم» اياسىندا بانك جىل باسىنان بەرى 76 قارىز بەردى, سونداي-اق 75 نەسيە ماقۇلدانىپ, اسكەري قىزمەتشىلەر قالاعان باسپانالارىن ىزدەستىرۋ ۇستىندە, 54 نەسيە ءوتىنىمى قارالۋدا.
«بايتەرەك» حولدينگىنىڭ باسقا ەنشىلەس ۇيىمى – «قازاقستان يپوتەكالىق كومپانياسى» يۇ» اق (قيك) ەلدەگى تج كەزىندە ءوز كليەنتتەرى ءۇشىن تولەم مەرزىمىن كەيىنگە شەگەرۋگە ءوتىنىش قابىلداۋ ءتاسىلىن جەڭىلدەتتى. كليەنتتەردەن وتىنىشتەر help@kmc.kzبىرىڭعاي ەلەكتروندىق پوشتاسى ارقىلى, اۆتوريزاتسياسىز جانە تۇلعانى راستاۋدى تالاپ ەتپەي قابىلدانادى. حالىقتىڭ الەۋمەتتىك وسال توپتارىنىڭ ساناتىنا جاتاتىن جانە قيك-تە يپوتەكالىق قارىزدارى بار ازاماتتاردىڭ تولەمدەرى ءوتىنىشسىز اۆتوماتتى تۇردە كەيىنگە شەگەرىلەدى.
قيك-تە ءتۇرلى ونلاين-سەرۆيستەر جۇمىس ىستەيدى. كومپانيانىڭ رەسمي سايتىندا «توتەنشە جاعداي» دەگەن جاڭا ءبولىم اشىلدى, وندا بارلىق قاجەتتى اقپارات, ياعني كەيىنگە شەگەرۋ شارتتارى تۋرالى اقپارات, وتىنىشتەردىڭ ۇلگىلەرى, ءجيى قويىلاتىن سۇراقتارعا جاۋاپتار بار. https://kmc.kz/ru/
ءوتىنىش مارتەبەسىن ءبىر رەت باسۋ ارقىلى تەكسەرۋ جۇيەسى ىسكە قوسىلعان. كومپانيا كليەنتتەرى ءوتىنىش بەرگەننەن كەيىن ءوز ءوتىنىشىنىڭ مارتەبەسىن كومپانيا سايتىندا جسن ءنومىرىن ەنگىزۋ ارقىلى, اۆتوريزاتسياسىز جانە تىركەۋسىز تەكسەرە الادى.
تج رەجيمى اياقتالعاننان كەيىن كليەنتتەرمەن ساتىپ الۋ قۇقىعىمەن جالداۋ شارتتارىنا قوسىمشا كەلىسىمدەر جاسالادى. يپوتەكالىق قارىزدار شارتتارىنا قوسىمشا كەلىسىمدەر جاسالمايدى, تەك تولەمدەردىڭ جاڭا كەستەلەرىنە عانا قول قويىلادى.
ەستەرىڭىزگە سالا كەتەيىك, اي سايىنعى تولەمدەر مەرزىمىن 2020 جىلدىڭ 16 ناۋرىزىنان 15 ماۋسىمىنا دەيىن ۇزارتۋعا بولادى. بۇل رەتتە, مەرزىمى ۇزارتىلعان تولەمدەر قارىز نەمەسە جالداۋ مەرزىمىنىڭ سوڭىنا دەيىن بىركەلكى ءبولىنەتىن بولادى. كەيىنگە شەگەرىلگەن تولەمدەرگە ءوسىمپۇلدار مەن ايىپپۇلدار ەسەپتەلمەيدى.
كومپانيانىڭ بايلانىس ورتالىعىنىڭ +7 727 344 12 22 تەلەفونى ارقىلى نەمەسە 8 800 080 44 48 جەدەل جەلى ءنومىرى ارقىلى (قر-نىڭ بارلىق وڭىرلەرى ءۇشىن قالالىق نومىرلەردەن تەگىن) بارلىق سۇراقتار بويىنشا كەڭەس الۋعا بولادى.
سونىمەن قاتار, حولدينگتىڭ تاعى ءبىر ەنشىلەس ۇيىمى – «بايتەرەك دەۆەلوپمەنت» اق (بد) «نۇرلى جەر» جانە «ەكسپو-2017» باعدارلامالارى شەڭبەرىندە سالىنعان تۇرعىن ءۇي جانە تۇرعىن ەمەس جىلجىمايتىن م ۇلىك وبەكتىلەرىن ساتىپ الۋ قۇقىعىمەن ءجالداۋ/بولىپ تولەۋگە ساتىپ الۋ-ساتۋ مامىلەلەرى بويىنشا نەگىزگى بورىش پەن سىياقىنى قوسا العاندا, تولەمدەر مەرزىمىن ءۇش ايعا, ياعني 2020 جىلدىڭ ساۋىرىنەن ماۋسىمىنا دەيىن كەيىنگە شەگەرۋگە رۇقسات بەردى.
جالعا الۋشىلار مەن ساتىپ الۋشىلار كەيىنگە شەگەرۋ سەبەبىن كورسەتە وتىرىپ, بەكىتىلگەن نىسانعا سايكەس ءوتىنىشتى ءوز قولىمەن جازۋلارى قاجەت (http://baiterekdevelopment.kz
ءوتىنىشتىڭ تۇپنۇسقاسىن تج اياقتالعاننان كەيىن بايتەرەك دەۆەلوپمەنتكە ۇسىنۋ قاجەت. ۇلتتىق كومپانيا جالعا الۋشىلار مەن ساتىپ الۋشىلاردان ۇيدە قالۋدى جانە الاڭداماۋدى وتىنەدى, بارلىق وتىنىشتەر قارالاتىن بولادى, ال كەيىنگە شەگەرۋ ءساۋىر ايى مەن ماۋسىم ايى ارالىعىندا قولدانىلاتىن بولادى. جاڭا تولەم كەستەسىنە ەلدەگى توتەنشە جاعداي اياقتالعاننان كەيىن قول قويۋعا بولادى. وتىنىشتەردى قابىلداۋ مەرزىمى توتەنشە جاعداي مەرزىمى اياقتالعانعا دەيىن سوزىلادى.
ساتىپ الۋ قۇقىعىمەن جالداۋ شارتتارى بويىنشا تولەم مەرزىمىن كەيىنگە شەگەرۋ تالاپتارى («نۇرلى جەر» باعدارلاماسى شەڭبەرىندە):
ۇسىنىلاتىن كەيىنگە شەگەرۋ كەزەڭىندەگى اي سايىنعى تولەمدەر سوماسى تولەم كەستەسىنە سايكەس مەرزىمنىڭ سوڭىنا دەيىن امورتيزاتسيالانادى. ءوتىنىشتى بەرۋ ساتىندە كەپىلدىك جارنانىڭ ورنىن تولتىرۋ بويىنشا مەرزىمى وتكەن بەرەشەگى بار جالعا الۋشىلار كەيىنگە شەگەرۋ مەرزىمى اياقتالعاننان كەيىن 12 اي ىشىندە, ياعني 2020 جىلدىڭ شىلدەسى مەن 2021 جىلدىڭ ماۋسىمى ارالىعىندا كەپىلدىك جارنانىڭ ورنىن تولتىرا الادى.
ءبولىپ تولەۋمەن ساتىپ الۋ-ساتۋ شارتتارى بويىنشا تولەم مەرزىمىن كەيىنگە شەگەرۋ تالاپتارى («ەكسپو-2017» قوسا العاندا, بد-نىڭ جەكە باعدارلامالارى شەڭبەرىندە):
ءبولىپ تولەۋمەن ساتىپ الۋ-ساتۋ شارتتارى بويىنشا مىندەتتەمەلەردى ورىنداۋ مەرزىمى كەيىنگە شەگەرۋ مەرزىمىنە مولشەرلەس تولەم كەستەسىنە سايكەس جىلجىتىلادى. ءوتىنىش بەرگەن كۇنى مەرزىمى وتكەن بەرەشەگى بار ساتىپ الۋشىلاردىڭ تولەمدەرى كەيىنگە شەگەرىلگەن جاعدايدا, ولار كەيىنگە شەگەرۋ مەرزىمى اياقتالعاننان كەيىن مەرزىمى وتكەن بەرەشەك سوماسىن تولەۋگە ءتيىس. مەرزىمى وتكەن بەرەشەككە ءوسىمپۇل مەن ايىپپۇلدار تولەم مەرزىمى كەيىنگە شەگەرىلگەن كەزەڭدە ەسەپتەلمەيدى.
قوسىمشا سۇراقتار تۋىنداعان جاعدايدا, مىنا بايلانىس نومىرلەرى بويىنشا بد-عا حابارلاسا الاسىز: 8 (7172) 769 560, ىشكى 388, 392.
