اتالعان ۇيىم ساراپتاماسى كورسەتكەنىندەي, كوبىنەسە تابىس دەڭگەيى جوعارى قىزمەتكەرلەر جۇمىسسىز قالادى. ال بۇل سالاداعى كورسەتكىش 2,8-14,6 ملن ادامعا دەيىن ارتۋى مۇمكىن.
ال قازاقستان پرەزيدەنتىنىڭ كەڭەسشىسى, ەڭبەك رەسۋرستارىن دامىتۋ ورتالىعىنىڭ جەتەكشىسى تامارا دۇيسەنوۆا الداعى ۋاقىتتا رەسپۋبليكا تۇرعىندارىنىڭ 3,7 پايىزى جۇمىسسىز قالۋى مۇمكىندىگىن ءمالىم ەتتى.
داعدارىس جۇمىس كۇشىنىڭ كەم دەگەندە ۇشتەن بىرىنە جانە ەڭ باستىسى شاعىن بيزنەستە جۇمىس ىستەيتىن 3,3 ميلليون ادامعا اسەر ەتەدى. ينتەرفاكس دەرەكتەرى بويىنشا, الدىن الا بولجانعان كورسكەتكىش نەگىزىندە قىسقا مەرزىمدە جۇمىسسىزدار سانى 1,3-2,5 ميلليوندى قۇراۋى مۇمكىن. جاپپاي جۇمىسسىزدىقتى بولدىرماۋعا جانە جۇمىسپەن قامتۋعا ىقپال ەتەتىن شۇعىل شارالار قابىلدانباسا, جۇمىسسىزدىق دەڭگەيى وپتيميستىك ستسەناري بويىنشا 4,8 پايىزدان 13,7 پايىزدى قۇرايدى.
بولشەك ساۋدا, الەۋمەتتىك-تۇرمىستىق قىزمەتتەر سياقتى سەكتورلاردا جۇمىس ىستەيتىن كومپانيالاردى تج رەجىمى اياقتالعاننان كەيىن دە ءۇش اي قولداۋ قاجەت بولادى. ويتكەنى ولار ءوز قىزمەتىن تەز ارادا قالپىنا كەلتىرە الادى. تۋريزم, ويىن-ساۋىق يندۋسترياسى, حالىقارالىق تاسىمالدار سياقتى سالالار ۇزاعىراق قالپىنا كەلەدى. تيىسىنشە ولارعا قولداۋ كورسەتۋ نەعۇرلىم ۇزاق مەرزىمگە, ياعني 6-12 ايعا سوزىلۋى مۇمكىن.
