«اتامەكەن» ۇلتتىق كاسىپكەرلەر پالاتاسىنىڭ ءۇش جىل قاتارىنان ءبىلىم جانە عىلىم مينيسترلىگىمەن بىرلەسىپ, قازاقستاندىق جوعارى وقۋ ورىندارىنىڭ ءبىلىم بەرۋ باعدارلامالارىنا تاۋەلسىز باعالاۋ جۇرگىزۋ ناتيجەسىندە انىقتالعان. atameken.kz دەرەكتەرى بويىنشا
«د.قوناەۆ اتىنداعى ەۋرازيالىق زاڭ اكادەمياسىندا حالىقارالىق قاتىناستار ماماندىعى بويىنشا وقىعان تۇلەكتەردىڭ 71%-ى جۇمىسسىز, ال حالىقارالىق گۋمانيتارلىق-تەحنيكالىق ۋنيۆەرسيتەتىندە ينفورماتيكا ماماندىعىن بىتىرگەندەر دە وندىرىسكە قاجەتسىز ماماندار قاتارىندا. وڭىرلىك الەۋمەتتىك-يننوۆاتسيالىق ۋنيۆەرسيتەتىندە كاسىپتىك وقىتۋ ماماندىعىن بىتىرگەندەردىڭ 25%-ى عانا قىزمەتكە قول جەتكىزسە, ورتالىق ازيا ۋنيۆەرسيتەتىندە ەكونوميكا ماماندىعى بويىنشا جۇمىسقا تۇرعاندار نەبارى 20%», - دەدى ءوز سوزىندە.
سونىمەن بىرگە, مەكتەپ ءبىتىرۋشى تۇلەكتەردىڭ كوپشىلىگى ماماندىق تاڭداۋدا قينالادى, بۇل ەڭبەك نارىعىنا قاجەتتى ماماندىقتار جايىندا ناقتى مالىمەتتەردىڭ جوقتىعىنان. وسىنىڭ ناتيجەسىندە, جوعارى ءبىلىمدى ازاماتتاردىڭ كوپ بولىگى وزگە سالادا قىزمەت اتقارىپ ءجۇر. بۇل سالا تاڭداۋداعى قاتەلىكتىڭ بەلگىسى. ال اتالعان رەيتينگ وسى قاجەتتىلىكتى قاناعاتتاندىرۋ ءۇشىن جاسالىپ وتقان كورىنەدى. «رەيتينگ 2019 جىلى 17 كريتەري بويىنشا جۇرگىزىلدى, ولاردىڭ ىشىندە: ەڭبەكپەن قامتىلعان تۇلەكتەردىڭ پايىزى جانە ولاردىڭ ورتاشا ايلىق ەڭبەكاقىسى, وقۋ اياقتاعان سوڭ جۇمىس ىزدەۋ ۇزاقتىعى, سونداي-اق, باعدارلامالاردىڭ وزەكتىلىگىن باعالاۋ بار», – دەدى ول.
سونداي-اق, جيىن بارىسىندا قازاقستانداعى كورسەتكىشى تومەن ۋنيۆەرسيتەتتەر ءتىزىمى اتالدى. ولاردىڭ اراسىندا, SilkWay حالىقارالىق ۋنيۆەرسيتەتى, سىرداريا ۋنيۆەرسيتەتى, حالىقارالىق گۋمانيتارلىق-تەحنيكالىق ۋنيۆەرسيتەتى, وڭىرلىك الەۋمەتتىك-يننوۆاتسيالىق ۋنيۆەرسيتەت, ورتالىق ازيا ۋنيۆەرسيتەتى, شىمكەنت ۋنيۆەرسيتەتى, استانا ۋنيۆەرسيتەتى بار. «قازىرگى تاڭدا, جۇمىس بەرۋشىلەردى دە ءبىلىم باعدارلامالارىنىڭ وزەكتىلىگى الاڭداتادى. جالپى العاندا جۇمىس بەرۋشىلەردىڭ 68 پايىزى قازىرگى وقۋ باعدارلاماسىنا كوڭىلدەرى تولمايدى», - دەدى و.ورداباەۆ.
