زاڭ جوباسى جۇمىلدىرۋ دايىندىعى مەن جۇمىلدىرۋ جۇيەسىن, سونداي-اق مەملەكەتتىك ماتەريالدىق رەزەرۆتى قالىپتاستىرۋ, ساقتاۋ جانە پايدالانۋ بولىگىندە ازاماتتىق قورعاۋدىڭ مەملەكەتتىك جۇيەسىن جەتىلدىرۋ ماقساتىن كوزدەيدى.
زاڭ جوباسى قابىلدانعاندا جۇمىلدىرۋ دايىندىعى مەن جۇمىلدىرۋ ماسەلەلەرىن قۇقىقتىق رەتتەۋدە قۇقىقتىق ولقىلىقتاردى جويۋعا, جەكە جانە زاڭدى تۇلعالاردىڭ جۇمىلدىرۋ دايىندىعى سالاسىنداعى مىندەتتەرىن ورىنداماعانى ءۇشىن جاۋاپتىلىعىن ارتتىرۋعا, جۇمىلدىرۋ دايىندىعى مەن جۇمىلدىرۋ جونiندەگi ءىس-شارالاردى ۇيىمداستىرۋعا جانە ولاردىڭ جۇرگiزiلۋiنە تۇراقتى باقىلاۋ جاساۋعا, سونداي-اق مەملەكەتتىك ماتەريالدىق رەزەرۆتىڭ ماتەريالدىق رەسۋرستارىنىڭ زاپاستارىن ساقتاۋ جانە ۋاقتىلى جاڭارتۋعا مۇمكىندىك بەرەدى.
سەناتور تالعات مۇساباەۆ قارالىپ وتىرعان زاڭ جوباسى جۇمىلدىرۋ دايىندىعى مەن جۇمىلدىرۋ جۇيەلەرىن, سونداي-اق مەملەكەتتىك ماتەريالدىق رەزەرۆتى جەتىلدىرۋگە باعىتتالعانىن ايتتى. «زاڭ جوباسىندا العاش رەت جۇمىلدىرۋ دايىندىعى سالاسىنداعى بۇزۋشىلىقتار ءۇشىن اكىمشىلىك جاۋاپكەرشىلىك ەنگىزىلەدى. سونىمەن قاتار, مۇنداعى جۇمىلدىرۋ دايىندىعى مەن جۇمىلدىرۋ سالاسىنداعى مەملەكەتتىك باقىلاۋدى ەنگىزۋ جاڭالىق بولىپ تابىلادى. بۇل زاڭ جوباسى وتە ماڭىزدى, ويتكەنى ونى قابىلداۋ ءبىزدىڭ ەلىمىزدىڭ جۇمىلدىرۋ دايىندىعىن مەملەكەتتىڭ اسكەري قاۋىپسىزدىگى مەن قورعانىسىن قامتاماسىز ەتەتىن دەڭگەيدە قولداۋعا مۇمكىندىك بەرەدى», - دەدى ول.
كوميتەتتىڭ كەڭەيتىلگەن وتىرىسىندا سونداي-اق «مامانداندىرىلعان مەكەمەلەردىڭ ارتىقشىلىقتارى مەن يممۋنيتەتتەرى تۋرالى كونۆەنتسيانى راتيفيكاتسيالاۋ تۋرالى» زاڭ جوباسى قارالدى.
قۇجاتتى راتيفيكاتسيالاۋداعى ماقسات - بۇۇ مەن ونىڭ ءتۇرلى مامانداندىرىلعان مەكەمەلەرىنىڭ ارتىقشىلىقتارى مەن يممۋنيتەتتەرىن بىرىزدىلىككە كەلتىرۋ بولىپ تابىلادى. قازاقستان بۇۇ-نىڭ 19 مامانداندىرىلعان مەكەمەسىنە مۇشە بولىپ تابىلادى, ءبىزدىڭ ەلىمىزدە ولاردىڭ كەيبىرىنىڭ (ددۇ, فاو, حقدب, حۆق, حقك, يۋنەسكو, حەۇ) وكىلدىكتەرى بار.
سونداي-اق, بۇل زاڭناما قازاقستاننىڭ اۋماعىندا مامانداندىرىلعان مەكەمەلەردىڭ قىزمەتى ءۇشىن كونۆەنتسيادا كورسەتىلگەن ەرەكشە جاعدايلاردى جاساۋ راتيفيكاتسيالاۋدىڭ مىندەتىن كوزدەيدى. اتاپ ايتقاندا, مۇنداي مەكەمەلەر, ولاردىڭ اكتيۆتەرى, كىرىستەرى جانە باسقا دا مەنشىگى بارلىق تىكەلەي سالىقتاردان بوساتىلادى, ال لاۋازىمدى ادامدار بۇۇ لاۋازىمدى ادامدارىنا تيەسىلى جەڭىلدىكتەردى پايدالانادى.
زاڭ جوباسىن قابىلداۋدان كۇتىلەتىن ناتيجە – ەلىمىزدە مامانداندىرىلعان مەكەمەلەردىڭ قىزمەتى ءۇشىن قولايلى جاعداي جاساۋ, بۇل ەكىجاقتى جانە كوپجاقتى ىنتىماقتاستىقتى كەڭەيتۋگە جانە تەرەڭدەتۋگە, سونداي-اق قىزمەتتى ۇيلەستىرۋ مەن ونىڭ تيىمدىلىگىن ارتتىرۋعا ىقپالىن تيگىزەتىن بولادى.
سەناتور تولەۋبەك مۇقاشەۆتىڭ ايتۋىنشا, قازاقستان كونۆەنتسيانى ەسكەرتپەمەن جانە مالىمدەمەمەن راتيفيكاتسيالايتىن بولادى. "ەسكەرتۋدىڭ قاجەتتىلىگى قازاقستان ازاماتتارىنىڭ وسى ەرەجەلەرگە وبەكتيۆتى تۇردە قول جەتكىزە المايتىندىعىنا بايلانىستى, ويتكەنى ولار شەتەلدىكتەر نەمەسە ازاماتتىعى جوق ادامدار بولىپ تابىلمايدى, تيىسىنشە ولارعا وسى ادامداردىڭ ءوز ازاماتتىعى بار مەملەكەتتىڭ اۋماعىندا بولۋىنا بايلانىستى رەپاترياتسيالاۋ ءراسىمى قولدانىلمايدى. مالىمدەمەگە كەلەر بولساق, ول "كەدەندىك الىمدار" تەرمينىن قولدانۋعا بايلانىستى, ول قازاقستان رەسپۋبليكاسىنىڭ زاڭناماسىنا سايكەس بوساتۋ ۇسىنىلاتىن كەدەندىك تولەمدەردىڭ بارلىق تۇرلەرى دەپ تۇسىنىلەدى", دەدى سەناتور.
زاڭ جوبالارى پالاتانىڭ قاراۋىنا جىبەرىلدى.
