كەڭەستە پارلامەنتتىڭ قوس پالاتاسىنىڭ وكىلدەرى مەملەكەتتىك قولداۋ نىساندارى رەتىندە جۇيە قۇراۋشى كاسىپورىنداردىڭ ءتىزىلىمىن ازىرلەۋ ماسەلەسى بويىنشا جالپى ۇستانىمدى ءبىلدىردى.
وتىرىستا ءسوز العان سەنات توراعاسىنىڭ ورىنباسارى جۇيە قۇراۋشى 361 كاسىپورىننىڭ ءتىزىمى قوعامدا تەرىس اسەر تۋعىزعانىن ايتا كەلىپ, بيزنەس قاۋىمداستىعىنىڭ بىرقاتار وكىلدەرى ول جونىندە بۇقارالىق اقپارات قۇرالدارىندا ءتيىستى مالىمدەمە جاساعانىنا مەملەكەتتىك كوميسسيا مۇشەلەرىنىڭ نازارىن اۋداردى.
ا.شاكىروۆ سەنات توراعاسى ەكونوميكانى قالپىنا كەلتىرۋ جانە داعدارىستان كەيىنگى دامۋ كەزەڭىندە بيزنەستى ىنتالاندىرۋ ماسەلەلەرى بويىنشا جوعارعى پالاتادا كەڭەس وتكىزگەنى تۋرالى حاباردار ەتتى. ەكونوميكا سالالارىن قولداۋ تۇرعىسىندا كاسىپورىنداردى ىرىكتەۋدىڭ دايەكتەلگەن ولشەمدەرىن بەلگىلەۋ قاجەتتىگى ايتىلدى.
وسى ماسەلە بويىنشا پرەمەر-مينيستر اسقار مامين قازىرگى ۋاقىتتا جۇيە قۇراۋشى كاسىپورىنداردىڭ تىزبەسى ازىرلەۋ ساتىسىندا ەكەنىن اتاپ ءوتتى جانە پارلامەنتتىڭ قوس پالاتاسىنىڭ دەپۋتاتتارىنا وسى جۇمىسقا قاتىسۋدى ۇسىندى.
