قازاقستاندا
ءبىر ناۋقاستى كوروناۆيرۋسپەن ەمدەۋ قازاقستان بيۋدجەتىنە كۇنىنە 15 مىڭ تەڭگە تۇرادى.
بۇل تۋرالى الەۋمەتتىك مەديتسينالىق ساقتاندىرۋ قورىنىڭ باسقارما توراعاسى ايباتىر جۇماعۇلوۆ مالىمدەدى.
قور باسشىسى رەسپۋبليكالىق بيۋدجەتتەن COVID-19 الدىن-الۋ شارالارىنا شامامەن 55,9 ملرد تەڭگە قاراستىرىلعانىن اتاپ ءوتتى.
ونىڭ ىشىندە 14,7 ملرد تەڭگە ينفەكتسيالىق, ۋاقىتشا جانە كارانتيندىك ستاتسيونارلاردا ەمدەلگەن جاعدايلاردى تولەۋگە تولەندى, 5,4 ملرد دياگنوستيكالىق تەكسەرۋلەرگە, 35,8 ملرد تەڭگە مەديتسينالىق قىزمەتكەرلەرگە قوسىمشا جالاقى تولەۋگە جۇمسالدى.
ء«بىز «قازاقستان رەسپۋبليكاسىندا COVID-19 تارالۋىن بولدىرماۋ ءۇشىن توتەنشە جاعدايلارداعى وقيعالار ءۇشىن تولەم» ارنايى توپتاماسىن ۇسىندىق. وسى لوتتىڭ اياسىندا 3 نەگىزگى باعىت انىقتالدى. ولار ينفەكتسيالىق, فارماتسەۆتيكالىق جانە كارانتيندىك اۋرۋحانالار جاعدايىنداعى مەديتسينالىق قىزمەتتەر, ەپيدەمياعا قارسى ءىس-شارالارعا قاتىساتىن دەنساۋلىق ساقتاۋ ۇيىمدارىنىڭ قىزمەتكەرلەرىن ماتەريالدىق قولداۋ بويىنشا جاردەماقى, COVID-19 ۆيرۋسىن انىقتاۋعا ارنالعان دياگنوستيكالىق زەرتتەۋلەر», دەپ ءتۇسىندىردى ايباتىر جۇماعۇلوۆ.
اۋرۋلارعا اقى تولەۋ ءۇشىن قور ءتيىستى قىزمەتتەرگە تاريفتەر ازىرلەدى. (ولار قازاقستان رەسپۋبليكاسى دەنساۋلىق ساقتاۋ مينيسترلىگىنىڭ ءتيىستى بۇيرىعىمەن بەكىتىلىپ, قازاقستان رەسپۋبليكاسى ادىلەت مينيسترلىگىندە تىركەلگەن):
- كارانتيندىك اۋرۋحاناعا جاتقىزۋ كوەففيتسيەنتى - 10 413,96 تەڭگە;
- الدىن الا اۋرۋحاناعا جاتقىزۋ ءتاريفى - 11 619,80 تەڭگە;
تاۋلىك بويى جۇمىس ىستەيتىن اۋرۋحانانىڭ ينفەكتسيالىق بولىمىندە ەمدەلەتىن جاعداي ءۇشىن تاريف 15 113,34 تەڭگەنى قۇرايدى;
سونىمەن بىرگە, قور باسشىسى ينفەكتسيالىق, فارماتسەۆتيكالىق جانە كارانتيندىك اۋرۋحانالار اراسىنداعى ايىرماشىلىقتارعا توقتالدى.
«دياگنوز راستالعان جاعدايدا ناۋقاس جۇقپالى اۋرۋلار اۋرۋحاناسىنا جاتقىزىلادى. ەگەر ناۋقاستا جەدەل رەسپيراتورلى ۆيرۋستىق ينفەكتسيالار نەمەسە پنەۆمونيا بەلگىلەرى بولسا, وندا ولاردى باقىلاۋ جانە ەمدەۋ ءۇشىن ۋاقىتشا اۋرۋحاناعا جاتقىزۋ كەرەك. كوروناۆيرۋسپەن اۋىراتىن ناۋقاستارمەن, سونداي-اق ەپيدەميولوگيالىق تۇرعىدان قولايسىز ەلدەردەن كەلگەن ادامدار كارانتيندىك اۋرۋحانالارعا جاتقىزىلادى», دەدى ايباتىر جۇماعۇلوۆ.
بارلىق وسى شارالار ساۋ ادامدارمەن بايلانىسىن ازايتۋ جانە كوروناۆيرۋستىڭ تارالۋىن بولدىرماۋ ءۇشىن جاسالادى.
وزبەكستاندا
وزبەكستاندا ءبىر ناۋقاستى ەمدەۋگە 32 ملن سۋم بولىنگەن. كوروناۆيرۋسپەن ءبىر ناۋقاستى ەمدەۋ ورتاشا ەسەپپەن بيۋدجەتتەن 32 ميلليون سۋم (3,1 مىڭ دوللاردان استام) سوم بولىنگەن.
بۇل تۋرالى تاشكەنتتە وتكەن بەينە فورماتتاعى بريفينگتە دەنساۋلىق ساقتاۋ ءمينيسترى الىشەر شادمانوۆ مالىمدەدى.
ەگەر ناۋقاستىڭ جاعدايى اۋىر بولسا, رەانيماتسيا بولىمىندە ەمدەلۋ قۇنى 64 ميلليون سۋمعا (6,2 مىڭ دوللار) دەيىن وسەدى.
مەملەكەت ءبىر ادامدى 14 كۇندىك كارانتيندە ۇستاۋعا 2,4 ملن (237 اقش دوللارى), ەمدەلۋدەن كەيىن ناۋقاستاردى وڭالتۋعا 2,8 ملن سۋم جۇمسايدى. دەنساۋلىق ساقتاۋ مينيسترلىگى باسشىسىنىڭ ايتۋىنشا, وزبەكستاندا كارانتيندە بار COVID-19 ينفەكتسياسى بار دەپ كۇدىكتەلگەن بارلىق ناۋقاستار مەملەكەت ەسەبىنەن ەمدەلەدى.
