ونىڭ ايتۋىنا قاراعاندا قازىر سۋ تاسقىنىنا توتەپ بەرۋ جاعدايى, قۇتقارۋ بولىمشەلەرىنىڭ دايىندىعى, ازاماتتىق قورعاۋ قىزمەتتەرىنىڭ وسىنداي جاۋاپتى كەزەڭدەگى ءوزارا ءىس-قيمىلى قالىپتاسقان تارتىپتە ءوتىپ جاتىر. وبلىستاعى سۋ تاسقىنىنىڭ جاعدايى تۇراقتى, وتكەن اپتادا سۋ دەڭگەيىنىڭ بارىنشا كوتەرىلۋى 24-26 ءساۋىر ارالىعىندا ەسىل وزەنىندەگى پەتروپاۆل سۋ قويماسىنىڭ تەپليچنوە سەلوسىنىڭ اۋماعىندا بايقالىپ, وندا كۇردەلى جاعداي قالىپتاسقان. قاتتى كوتەرىلگەن جەل بيىك تولقىندار تۋدىرىپ, بوگەتتەرگە قاۋىپ توندىرگەن. وسىعان قارسى قۇم جانە مينەرالدىق زاتتار تولتىرىلعان قاپتار ءۇيۋ ارقىلى نىعايتۋ شارالارى جۇرگىزىلدى. بۇعان ۇلتتىق ۇلان مەن جەرگىلىكتى اتقارۋشى ورگانداردىڭ قىزمەتكەرلەرى مەن قۇرالدارى تارتىلعان. سونىڭ ارقاسىندا سۋ باسۋ قاۋپى ازايعان. وسىنداي جاعداي زارەچنىي كەنتىندە دە قالىپتاسىپتى.
«قازىرگى ساتتە پەتروپاۆل سۋ قويماسىنداعى دەڭگەي تومەندەۋدە. ونىڭ ازايۋى - تاۋلىگىنە 3-4 سم. بىراق سوكولوۆكا اۋىلىنىڭ اۋماعىندا سۋدىڭ ارتۋى كەرىسىنشە ءوسىپ كەلەدى. جاقىن ارادا كۇتىلىپ وتىرعان ەكىنشى تولقىن ايتا قالارلىق زيان اكەلە قويماس دەگەن ۇمىتتەمىز», دەدى مامان.
سونىمەن بىرگە ول رەسپۋبليكالىق ماڭىزى بار «چەليابى-نوۆوسيبيرسك» اۆتوجولىنىڭ 528 بەن 529 كم ارالىعىنداعى ۋچاسكەسى مەن پەتروپاۆلدان زارەچنىي كەنتىنە باراتىن جولدىڭ سۋى ازايعانىمەن ءالى اشىلماعانىن ايتتى.
ءسوزىنىڭ سوڭىندا س.ناۋرىزباەۆ: «سۋ اعىنى ەش بوگەتسىز, تولاسسىز اعىلۋدا. تۇرعىن ۇيلەردى سۋ باسۋ قاۋپى جوق. ەسىل وزەنى سۋىنىڭ كوتەرىلۋى ونىڭ جايىلماسىنا ورنالاسقان تۇرعىن ەمەس ساياجاي ۋچاسكەلەرىن عانا سۋ باسۋدان تۋىندادى. بۇل قۇبىلىس جىل سايىنعى ماۋسىمدىق سيپاتقا يە», دەدى ول.
سولتۇستىك قازاقستان وبلىسى
