توتەنشە جاعدايعا وراي پرەزيدەنت الەۋمەتتىك ماڭىزى بار 19 ءتۇرلى ازىق-ت ۇلىك تاۋارىن ءوندىرۋشى كاسىپكەرلەرگە قاتىستى قوسىمشا قۇن سالىعىن 12 %-دان 8 %-عا دەيىن تۇسىرۋگە تاپسىرما بەرگەن بولاتىن. قابىلدانعان بۇل شەشىم 1 قازانعا دەيىن كۇشىندە بولادى ەكەن. الايدا بۇل جەڭىلدىكتى كۇرىششىلەردىڭ الا الماي قالۋ كاۋپى بولدى.
الەۋمەتتىك ماڭىزى بار ازىق-ت ۇلىك تاۋارلارىنىڭ ءتىزىلىمى ۇكىمەتتىڭ 2020 جىلعى 27 ناۋرىزداعى № 141 قاۋلىسىمەن بەكىتىلگەن. بۇل قۇجات كۇرىششىلەردىڭ تۇسىنىسپەۋشىلىگىن تۋدىردى. سەبەبى ۇكىمەتتىڭ قاۋلىسىنداعى تىزىلىمدە كۇرىش «اقتالعان دومالاق ءداندى كۇرىش» دەپ كورسەتىلگەن. ال وتاندىق كۇرىششىلەر تەك ورتاشا ءداندى اقتالعان كۇرىش شىعارادى. قۇجاتتا بار, قولدانىستا جوق كۇرىش وسى سالاداعى كاسىپ يەلەرىنە ايتارلىقتاي جۇك بولۋى مۇمكىن ەدى. قىزىلوردا وبلىسى كاسىپكەرلەر پالاتاسىنىڭ ماماندارى ماسەلەنى جان-جاقتى سارالاپ, «اتامەكەننىڭ» ورتالىق اپپاراتىنا پروبلەمانى جەتكىزدى. ءوز كەزەگىندە ورتالىق اپپاراتتان ۇسىنىس ءتيىستى مينيسترلىكتەرگە جەتتى. پالاتانىڭ ۇسىنىسىنا مەملەكەتتىك كىرىستەر كوميتەتى رەسمي تۇسىندىرمە بەرىپ, ەكونوميكالىق قىزمەت تۇرلەرىنىڭ جالپى جىكتەۋىشىنە «ورتاشا ءداندى اقتالعان كۇرىش» دەپ ەنگىزدى. ناتيجەسىندە كۇرىششىلەر جەڭىلدىككە قول جەتكىزىپ, پروبلەماسى وڭ شەشىلدى.
كۇرىشتىڭ ەكسپورتقا شىعارۋ دا پالاتانىڭ ارالاسۋىمەن شەشىمىن تاپتى. ەۋرازيالىق ەكونوميكالىق كوميسسيا دۇنيە جۇزىندە جاريالانعان پاندەمياعا وراي بىرقاتار ازىق-ت ۇلىك تۇرلەرىن وسى جىلدىڭ 30 ماۋسىمىنا دەيىن ەۋرازيالىق ەكونوميكالىق وداق ەلدەرىنەن وزگە ەلدەرگە شىعارۋعا تىيىم سالىپ, ونىڭ ىشىندە كۇرىش تە ەنىپ كەتكەن بولاتىن. بۇل جاڭالىق قىزىلوردالىق ديقاندار ءۇشىن ايتارلىقتاي پروبلەما بولدى. وبلىستاعى اۋىل شارۋاشىلىعى تاۋاروندىرۋشىلەرى وسى جىلدىڭ كۇز مەزگىلىنە دەيىن ءۇشىنشى ەلدەرگە ەكسپورتقا كۇرىش جەتكىزىپ بەرۋ ءۇشىن الدىن الا ۇزاق مەرزىمدى كەلىسىم-شارتقا قول قويىپ قويعان. بۇل سالاداعى كاسىپكەرلەرىمىزدىڭ نەگىزگى تابىسى ەكسپورتقا تاۋەلدى. سوندىقتان دا كاسىپكەرلەر پالاتاسى «اتامەكەننىڭ» ورتالىق اپپاراتىنا ۇسىنىس جىبەرىپ, ولار شۇعىل ءتيىستى مينيسترلىكتەرگە شىعىپ, كاسىپكەرلەردىڭ پروبلەماسىن جەتكىزدى. ناتيجەسىندە, قازاقستاندىق كۇرىش ەكسپورتقا كەدەرگىسىز شىعاتىن بولدى.
ايماقتا كوكتەمگى دالا جۇمىستارىنىڭ باستالۋى كارانتين رەجيمىمەن قاتار كەلدى. تەحنيكالارعا قاجەتتى قوسالقى بولشەكتەر, وزگە دە قۇرال-سايماندار بولماي, قينالعان ديقاندار ماسەلەسىن كاسىپكەرلەر پالاتاسىنىڭ ماماندارى وبلىستىق جەدەل شتاب وتىرىسىندا كوتەرىپ, قىزىلوردا قالاسىندا قوسالقى بولشەكتەردى ساتاتىن كاسىپكەرلەردىڭ ءتىزىمى ازىرلەنىپ, جۇمىس جاساۋىنا رۇقسات بەرىلدى.
