قازاقستان لومباردتارىنىڭ ۇلتتىق قاۋىمداستىعىنىڭ» جەتەكشىسى اسحات ىزتىلەۋوۆتىڭ ايتۋىنشا, توتەنشە جاعداي كەزىندە تاۋارلاردىڭ جەكەلەگەن ساناتتارى, سونىڭ ىشىندە ەڭ قاجەتتى تاۋارلاردىڭ باعالارى كوتەرىلە باستادى. وسىعان بايلانىستى, حالىق ازىق-ت ۇلىك, ءدارى-دارمەك ساتىپ الۋ, جالدامالى تۇرعىن ءۇي, كوممۋنالدىق تولەمدەر جانە باسقا دا قاجەتتىلىكتەر ءۇشىن قارجىعا قىسىلىپ, لومباردتاردىڭ كومەگىنە جۇگىنۋگە اسىعادى. كارانتين كەزىندە جۇمىسىن توقتاتقان لومباردتار قارجىلىق تۇرعىدان زارداپ شەككەن سەكتورلاردىڭ قاتارىنا كىرە الماي وتىر.
̶ لومباردتار زاڭ بويىنشا جۇمىس ىستەۋگە دايىن, بىراق زاڭدا ەنگىزىلگەن بارلىق وزگەرتۋلەر مەن تولىقتىرۋلار تالقىلاۋ اياسىندا قابىلدانۋى كەرەك. لومباردتار بانكتەردەن نەسيە الادى. قازىرگى جاعدايعا بايلانىستى لومباردتاردىڭ بانك الدىنداعى نەسيە قارىزىن تولەۋدى كەيىنگە قالدىرۋ تۋرالى ءوتىنىشى ماقۇلدانباي وتىر. ءبىز 3 اي بويى ءوز بورىشكەرلەرىمىزگە ءوسىمپۇل ەسەپتەمەي وتىرمىز. ارەندا تولەپ, قاۋىپسىزدىك شارالارىن ساقتاۋ ءۇشىن شىعىندالامىز. ۇنەمدەۋ شارالارىن قولدانۋعا مۇمكىندىك جوق. لومداردتاعى شۋبا, التىنداردى ءوز ۇيىمىزگە اپارىپ ساقتاي المايمىز. سوندىقتان لومباردتىڭ توتەنشە جاعدايدان جاپا شەككەن كاسىپتىك سەكتورعا جاتپاعانى ءۇشىن بانكتەر كومەك كورسەتپەي وتىر. ءبىز مەملەكەتكە ۋاقىتىلى سالىق تولەپ وتىرمىز, ̶ دەيدى قازاقستان لومباردتارىنىڭ ۇلتتىق قاۋىمداستىعىنىڭ» جەتەكشىسى. ونىڭ ايتۋىنشا, شاعىن ۇيىمدار وسىلاي قىسپاققا الىنا بەرەتىن بولسا, لومباردتاردىڭ 90% نارىقتان كەتۋى مۇمكىن. الدىن-الا مالىمەت بويىنشا, بۇل سالادا 3 مىڭعا جۋىق ادام جۇمىس ىستەيدى.
