ەسكە سالايىق, 26 ناۋرىزدان باستاپ قازاقستانداعى حالىققا قىزمەت كورسەتۋ ورتالىقتارى مەن اۆتوحقو-دىڭ جۇمىسى توقتاتىلعان. ەل تۇرعىندارى مەملەكەتتىك قىزمەتتەردى تەك ەلەكتروندىق ۇكىمەت پورتالىندا الا الادى.
«قىزمەتتى ونلان الۋ رەجيمدە الۋ مەحانيزمى وتە قاراپايىم. ول ءۇشىن egov.kz پورتالىنا كىرىپ, ءوتىنىمدى تولتىرىپ, جەكە ەلەكتروندى تسيفرلىك قولتانبامەن (ەتسك) قول قويسا جەتكىلىكتى. ايتا كەتەيىن, توتەنشە جاعداي جاريالانعالى بەرى 200 استام اۆتوكولىك ونلاين تاسىلمەن تىركەلدى. بۇل كورسەتكىشتىڭ ايتارلىقتاي وسەتىنىن بولجاپ وتىرمىز, ويتكەنى التىن ۋاقىتىن سارپ ەتپەي, مامانداندىرىلعان حقو-عا بارماي-اق قاراپايىم جانە ىڭعايلى شەشىمدەردى تاڭدايتىن ازاماتتارىمىزدىڭ سانى كوبەيىپ كەلەدى», — دەيدى «ازاماتارعا ارنالعان ۇكىمەت» مەملەكەتتىك كورپوراتسياسىنىڭ شىمكەنت قلاسى بويىنشا فيليالىنىڭ وكىلى التىناي تاتاەۆا.
كولىكتەردى قايتا تىركەۋ قىزمەتى egov.kz پورتالىندا «كولىك جانە كوممۋنيكاتسيالار» بولىمىندە قولجەتىمدى. ونى ونلاين رەجيمىندە الۋ ءۇشىن ساتۋشى ەتسق-نى پايدالانىپ, egov.kz پورتالىنا كىرىپ, ساتىلاتىن كولىك تۋرالى اقپاراتتى ەنگىزىپ, ايىپپۇلدار مەن سالىقتار بويىنشا بەرەشەكتى تەكسەرۋگە سۇرانىس جىبەرۋى كەرەك. ەگەر بار بولسا, ەلەكتروندىق ۇكىمەت پورتالى ارقىلى تولەپ, وتىنىشكە ەتسق-مەن قول قويادى. وسىدان كەيىن ساتىپ الۋشى ەلەكتروندى ۇكىمەت پورتالىنداعى جەكە كابينەتىندەگى وتىنىشپەن تانىسا الادى, وندا ايىپپۇلداردى تەكسەرىپ بولعاننان كەيىن مەملەكەتتىك ءنومىر جانە تەحپاسپورت ءۇشىن ءتيىستى الىمدار مەن تىركەۋ جارناسىن تولەۋى ءتيىس. ساتىپ الۋشى مامىلەنى ءوزىنىڭ ەلەكتروندىق تسيفرلىق قولتاڭباسىمەن راستايدى. كەيىن اۆتوحقو-عا تەك دايىن بولعان ءنومىر مەن تەحنيكالىق تولقۇجاتتى الىپ كەتۋ ءۇشىن بارادى.
