شىعىس قازاقستان: ءماسليحات دەپۋتاتتارى 50 ميلليون تەڭگەنىڭ كومەگىن كورسەتتى

ەلىمىزدە ەلباسى تاپسىرماسىمەن قولعا الىنعان «Nur Otan» پارتياسىنىڭ ء«بىز بىرگەمىز!» اكتسياسى شىعىس قازاقستان وبلىسىندا جوعارى دەڭگەيدە جۇزەگە اسىرىلۋدا. بۇگىنگى كۇنگە دەيىن وبلىستىق ءماسليحات دەپۋتاتارى ء«بىز بىرگەمىز!» اكتسياسى اياسىندا وبلىسىمىزداعى كوپبالالى  وتباسىلاردى، ارداگەرلەردى، مۇمكىندىگى شەكتەۋلى ازاماتتاردى ەلدەگى توتەنشە جاعداي كەزىندە 50 ملن. تەڭگە كولەمىندە ازىق-ت ۇلىك، تۇرمىسقا قاجەتتى زاتتارمەن قامتاماسىز ەتىپ، قايىرىمدىلىق جاسادى.

بۇل يگى باستامانى «Nur Otan» پارتياسىنىڭ وبلىستىق فيليالى جانە اۋدان، قالالارداعى فيليالدارى ۇيلەستىرۋدە. اكتسيانىڭ جۇزەگە اسىرىلۋى وبلىس اكىمى، پارتيانىڭ وبلىستىق فيليالىنىڭ توراعاسى دانيال كەنجەتاي ۇلىنىڭ تىكەلەي باقىلاۋىندا.

كوروناۆيرۋسقا قارسى كۇرەستى كۇشەيتۋ، الەۋمەتتىك از قامتىلعان وتباسىلارعا كومەكتەسۋ ماقساتىندا قولعا الىنعان اكتسياعا وبلىستىق ءماسليحات دەپۋتاتتارى مەن كاسىپكەرلەر بارىنشا اتسالىسىپ، قولداۋ بىلدىرۋدە. «ەلدەگى توتەنشە جاعداي كەزىندە حالىقتىڭ وسال توپتارىنا قولداۋ ءبىلدىرۋ - ءبىزدىڭ باستى ماقساتىمىز. بۇگىنگى تاڭدا الەمدى الاڭداتىپ وتىرعان ىندەت ەلىمىزدە دە تارالۋدا. وسىنداي كەزدە دەپۋتات بولسىن، كاسىپكەرلەر بولسىن، ءبارى دە جۇمىلا وتىرىپ قاراپايىم تۇرعىندارعا قولدان كەلگەنشە جاردەمدەسۋى ءتيىس. ەلباسى نۇرسۇلتان ءابىش ۇلى ايتقانداي، ءبىز كەز كەلگەن قيىندىقتى  تەك بىرلەسە كۇرەسكەندە عانا جەڭەتىنىمىز شىندىق. حالقىمىزدا «جۇمىلا كوتەرگەن  جۇك جەڭىل»  دەگەن جاقسى ءسوز بار. ەندەشە بۇل ۋاقىتشا قيىندىقتى دا بىرگە ەڭسەرەتىن بولامىز» دەيدى وبلىستىق ءماسليحاتتىڭ دەپۋتاتى ايدوس سەرىكقالي ۇلى.

ازىق-ت ۇلىكتەر سالىنعان سەبەتتەر پارتيانىڭ اۋدان، قالالىق فيليالدارى ارقىلى «باقىتتى وتباسى»، «ارداگەرلەردى ارداقتايىق»، «كەدەرگىسىز كەلەشەك» پارتيالىق جوبالارى بويىنشا اسا مۇقتاج جاندارعا جەتكىزىلۋدە. بۇل رەتتە «جاسوتاندىقتار» مەن ەرىكتى جاستار، پارتيا قىزمەتكەرلەرى ەلدىمەكەندەردى ارالاپ، كومەكتى تۇرعىندارعا جەتكىزىپ جۇرگەندىگىن ايتا كەتكەن ءجون.

سونىمەن قاتار پارتيا فيليالدارىنىڭ قوعامدىق قابىلداۋلارىنا تۇسكەن وتىنىشتەر بويىنشا دا تۇرعىندارعا بارىنشا  كومەك بەرىلىپ كەلەدى. «Nur Otan» پارتياسى شىعىس قازاقستان وبلىستىق فيليالى توراعاسىنىڭ ءبىرىنشى ورىنباسارى ولەگ چۋگۋنكوۆ پارتيا فيليالىنىڭ الۋەمەتتىك جەلىدەگى پاراقشالارىنا تۇرعىنداردان ءوتىنىش وتە كوپ ءتۇسىپ جاتقاندىعىن ايتادى. ء«بىز مەيلىنشە ءاربىر ءوتىنىشتىڭ ورىندالۋىنا كۇش سالىپ جاتىرمىز. 2115  وتباسىعا ازىق-ت ۇلىك جەتكىزىلدى. ءالى دە كومەك سۇراعاندار كوپ. ماقساتىمىز – كومەكتى شىن مۇقتاجدارعا جەتكىزۋ. پرەزيدەنتىمىز قاسىم-جومارت توقاەۆ كەشە قازاقستان  حالقىنا جولداعان ءوز ۇندەۋىندە مەملەكەت تاراپىنان بەرىلىپ جاتقان كومەكتەر تۋرالى ايتتى. «Nur Otan» پارتياسىنىڭ دا جەمىستى جۇمىس اتقارىپ جاتقانىنا توقتالدى. ء«بىز بىرگەمىز!» اكتسياسى ارقىلى كومەككە يە بولعان تۇرعىندار ريزاشىلىقتارىن ءبىلدىرىپ جاتىر. ءبىز ءوز تاراپىمىزدان پارتيا قىزمەتكەرلەرىنە، كاسىپكەرلەرگە، اۋدان، قالا اكىمدەرى مەن «جاسوتاندىقتارعا»، ەرىكتى جاستارعا جانە قيىن كەزەڭدە تۇسىنىستىك تانىتىپ وتىرعان ەلگە العىسىمىزدى ايتامىز. بۇل قيىندىقتى بىرگە جەڭىپ شىعامىز» دەيدى ول.

 شىعىس قازاقستان وبلىسى