- ەلباسى ن.نازارباەۆ پەن مەملەكەت باسشىسى ق.توقاەۆ شىمكەنت قالاسىنىڭ الەۋمەتتىك-ەكونوميكالىق دامۋىنا ەرەكشە ءمان بەرىپ وتىر. بيىل قازىنادان ميلليوندى قالاعا 440 ملرد. تەڭگە قارجى ءبولىندى. قارالعان قاراجات ماقساتتى يگەرىلۋى قاجەت. بۇل ينفراقۇرىلىمدى جاقسارتىپ, بارلىق سالانىڭ الەۋەتىن كوتەرۋگە مۇمكىندىك بەرەدى. سوندىقتان ءبىز بار كۇش-جىگەرىمىزدى قالانىڭ دامۋىنا جۇمساپ وتىرمىز, - دەدى م.دۇيسەنبەك ۇلى.
اۋماعى 49 704 گەكتاردى قۇرايتىن اباي اۋدانىندا 323 مىڭعا جۋىق تۇرعىن بار. 34 شاعىناۋدان مەن تۇرعىن الاپتىڭ 10-ى 2014 جىلى بۇرىنعى وڭتۇستىك قازاقستان وبلىسىنان قالاعا وتكەن. بۇگىندە تازا اۋىز سۋمەن قامتۋ كورسەتكىشى 78,5%-دى قۇرايتىن اۋداندا ناقتى جۇمىستار قولعا الىنىپ, 5 تۇرعىن الاپتى اۋىز سۋمەن قامتيتىن ماگيسترالدى سۋ جۇيەسىنىڭ قۇرىلىسى جۇرۋدە.
سونداي-اق, جاڭاتالاپ, قىزىلجار, يگىلىك, تاۋەلسىزدىككە - 20 جىل, كوكبۇلاق, ىنتىماق-2, سولتۇستىك ساياجايداعى 7232 ۇيگە اۋىز سۋ جۇيەلەرى تارتىلۋدا. جوسپارلى جۇمىستار اياقتالسا, اۋدان حالقىنىڭ 86%-ى تازا اۋىز سۋمەن قامتىلاتىن بولادى.
بيىل اباي اۋدانىنداعى 49 كوشەنى جوندەۋگە بيۋدجەتتەن 1 099,6 ملن. قارجى قارالىپ, جوندەۋ جۇمىستارى قارقىندى اتقارىلۋدا. سوڭعى 10 جىلدا اۋدانداعى 219 اۋلاعا بالالاردىڭ ويىن الاڭشاسى مەن 50 سپورت الاڭى ورناتىلعان. تەك وتكەن جىلى مەملەكەتتىك جانە جەكەمەنشىك ارىپتەستىك اياسىندا 45 اۋلاعا ويىن الاڭشاسى سالىنىپ, تۇرعىنداردىڭ يگىلىگىنە بەرىلدى.
بيىل 41 اۋلاعا بالالار الاڭشاسى قۇرىلىسىنا 637,4 ملن., 8 سپورت الاڭىن ورناتۋعا 131,5 ملن. تەڭگە قارجى ءبولىنىپ, جۇمىستار اتقارىلۋدا. وسى باعىتتا اتقارىلعان جۇمىستارمەن تىڭعىلىقتى تانىسقان قالا باسشىسى اباي اۋدانىندا اۋقىمدى جۇمىس بار ەكەنىن ايتىپ, قۇرىلىسى ءجۇرىپ جاتقان بارلىق نىسانداردىڭ ساپاسىنا ءمان بەرۋدى ءارى تۇراقتى باقىلاۋدى جاۋاپتىلارعا تاپسىردى.
ساپار اياسىندا م.ايتەنوۆ ۆودوپيانوۆ كوشەسىندە وتكەن جىلى ورتەنگەن ءۇيدىڭ ورنىنا سالىنىپ جاتقان 85 پاتەرلى ءۇيدىڭ قۇرىلىسىمەن تانىستى. تاپسىرىس بەرۋشى «شىمكەنت» اكك» اق مەن مەردىگەر «وتاۋ ستروي» كومپانياسىنا قۇرىلىس جۇمىستارىن قالا كۇنىنە وراي اياقتاپ, باسپانا كىلتىن تۇرعىندارعا ۋاقىتىنان ەرتەرەك تابىستاۋدى جۇكتەدى.
شىمكەنت
