سوندىقتان دا سىبايلاس جەمقورلىقپەن كۇرەس مەملەكەتىمىزدىڭ باستى ستراتەگيالىق باعىتى. بۇل باعىتتى جۇزەگە اسىرۋ بويىنشا ەلىمىزدە قۇقىقتىق رەفورمالار جاسالىپ, قر سىبايلاس جەمقورلىققا قارسى ءىس-قيمىل اگەنتتىگى قۇرىلدى, «نۇر وتان» پارتياسىنىڭ 2015-2025 جج ارنالعان سىبايلاس جەمقورلىققا قارسى ستراتەگياسى جۇزەگە اسۋدا. ەلباسى نۇرسۇلتان نازارباەۆ «بولاشاققا باعدار:رۋحاني جاڭعىرۋ» ماقالاسىندا: «اسا ماڭىزدى مىندەت-سىبايلاس جەمقورلىققا قارسى جاڭا ستراتەگيانى قالىپتاستىرۋ جانە ءىسكە اسىرۋدى جالعاستىرۋ» دەپ اتاپ كورسەتتى. وسى ورايدا 2018-2020 جىلدارعا ارنالعان «سانالى ۇرپاق» جوباسى قولعا الىندى. جوبانىڭ ماقساتى- سىبايلاس جەمقورلىققا توزبەيتىن, باسەكەگە قابىلەتتى, ۇلتجاندى جاستاردى تاربيەلەۋ. سەبەبى ءاربىر مەملەكەتتە جاستار مەملەكەتتى دامىتۋشى ۇلكەن قوزعاۋشى كۇش.
مەملەكەتتى كوركەيتىپ, ۇلتتى وركەندەتۋشى سانالى دا سالاۋاتتى, ۇلتجاندى, رۋحى ءبيىك پاراساتتى ۇرپاقتى تاربيەلەۋ بۇگىنگى قوعامنىڭ باستى مىندەتى. ويتكەنى مەملەكەتتىك دامۋ ۇرپاقتار ساباقتاستىعى ارقىلى جۇزەگە اسىرىلادى. تۇڭعىش پرەزيدەنت نۇرسۇلتان ءابىش ۇلى ايتقانداي «بۇگىنگى وسكەلەڭ ۇرپاق ناعىز ءبىلىمدى, جان-جاقتى دامىعان, بىرنەشە ءتىلدى مەڭگەرگەن, ناعىز ءوز ەلىن سۇيەتىن, ۇلتجاندى ازامات بولۋى كەرەك».
وسى ورايدا ولكەمىزدەگى ەڭ ۇلكەن, 80-جىلعا جۋىق تاريحى بار, بۇگىنگى تاڭدا 25000 اسا جاستاردىڭ باسىن قۇراپ وتىرعان قارا ششاڭىراق- م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىندە دە «سانالى ۇرپاق» جوباسى بويىنشا اۋقىمدى جۇمىستار جۇرگىزىلۋدە.
وقۋ ورنىن ءتارتىپ پەن مادەنيەتتىڭ, جاۋاپكەرشىلىك پەن جاسامپازدىقتىڭ تۇيىسكەن الاڭىنا اينالدىرۋ, سىبايلاس جەمقورلىققا قولايلى سەبەپتەر مەن جاعدايلاردى ۋاقىتىلى جويۋعا باعىتتالعان ءىس-شارالار وتكىزۋ, جوعارى مورالدىق قۇندىلىقتارعا يە, جاۋاپتى, ىنتالى جانە الەۋمەتتىك-قۇزىرەتتى ازامات پەن ءوز ەلىنىڭ پاتريوتىن قالىپتاستىرۋ جانە دامىتۋ ءۇشىن جاعداي جاساۋ, سىبايلاس جەمقورلىققا قارسى ءىس-قيمىل سالاسىنداعى ۋاكىلەتتى وراندارمەن ىنتىماقتاستىقتى قامتاماسىز ەتۋ جانە ارىپتەستىك قارىم-قاتىناس ورناتۋ ماقساتىندا «پاراسات» باسقارماسى قۇرىلدى.
باسقارمانىڭ قىزمەتى «سانالى ۇرپاق» جوباسىنا سايكەس سىبايلاس جەمقورلىققا قارسى مادەنيەتءتى قالىپتاستىرۋ, ءبىلىم بەرۋدىڭ اشىقتىعى,اكادەميالىق ادالدىق, ءبىلىم بەرۋ سالاسىنداعى سىبايلاس جەمقورلىققا قارسى ءىس-شارالار ۇيىمداستىرۋ بولىپ تابىلادى. وسى ورايدا ۋنيۆەرسيتەتتە سىبايلاس جەمقورلىققا قارسى جۇمىس توبى قۇرىلدى, ادەپ جونىندەگى كەڭەس,«سىبايلاس جەمقورلىق پەن قۇقىبۇزۋشىلىقتىڭ الدىن الۋ كەڭەسى» قۇرىلدى.
باسقارما «سانالى ۇرپاق» رەسپۋبليكالىق جوبالىق كەڭسەسىنىڭ, «شىمكەنت-ادالدىق الاڭى» جانە قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىنىڭ شىمكەنت قالاسى بويىنشا دەپارتامەنتىمەن, شىمكەنت قالاسىنىڭ اكىمدىگىمەن, جاستار ۇيىمدارىنىڭ وكىلدەرىمەن, باق جانە باسقا دا ۋاكىلەتتى ورگاندارمەن بىرلەسىپ جۇمىستار اتقارۋدا. حالىقارالىق ستاندارت تالاپتارىنا سايكەس سىبايلاس جەمقورلىققا قارسى مەنەدجمەنت جۇيەسىن ازىرلەۋ جانە ەنگىءزۋدى ىسكە اسىرۋ جۇمىستارىمەن قاتار, ولكەمىزدەگى باسقا دا جوعارى وقۋ ورىندارى, كوللەدجدەرگە ادىستەمەلىك كومەكتەر كورسەتۋدە.
قازىرگى الەۋمەتتىك احۋال-عالامدىق پاندەميا كەزىندە دە م.اۋەزوۆ اتىنداعى وقمۋدا پاراساتتىلىقتى قالىپتاستىرۋ بويىنشا جۇمىستار جۇيەلى تۇردە جۇرگىزىلۋدە. قاشىقتىقتان ءبىلىم الۋشىلاردىڭ اعىمدىق باقىلاۋ جۇمىستارىنىڭ, ارالىق باقىلاۋ جۇمىستارىنىڭ جاريا جانە ادىلەتتى جۇرگىزىلۋىن ۇيىمداستىرۋدا. ەمتيحاندىونلاين تاپسىرۋ كەزىندەگءى اشىقتىقتى باقىلاۋ ماقساتىندا 50 بەلسەندى ستۋدەنتتەردەن قۇرىلعان كوميسسيا جۇمىسىن ۇيلەستىرۋدە.
وقۋ ورنىندا پاراساتتىلىقتى قالىپتاستىرۋ بويىنشا اتقارىلعان جۇمىستار, العا قويعان ماقساتتار جانە تاجىريبەلەرىمەن ءبولىسۋ ءۇشىن قر سىبايلاس جەمقورلىققا قارسى ءىس-قيمىل اگەنتتىگىنىڭ شىمكەنت قالالىق دەپارتامەنتىمەن بىرگە ۆەبينارعا باستاماشى بولۋدا.
جالپى العاندا, دامىعان 30 مەملەكەتكە ۇلت بولىپ ۇيىسىپ جەتۋ ءاربىرىمىزدىڭ ازاماتتىق بورىشىمىز. قازاقستان رەسپۋبليكاسى پرەزيدەنتى ق.توقاەۆ ء«بىز جەمقورلىقتىڭ ءتۇپ-تامىرى جويىلعانشا كۇرەسەمىز. مەملەكەت پەن ازاماتتاردىڭ كۇشىن بىرىكتىرەمىز. جەمقورلىقتىڭ كەز كەلگەن تۇرىنە مۇلدەم توزبەۋشىلىك تانىتۋماڭىزدى» دەگەندەي, سىبايلاستىقتان تازا, ادىلەتتى ءارى پاراساتتى ۇرپاقتى تاربيەلەۋ بۇگىنگى اعا بۋىننىڭ مىندەتى.
ءال-فارابي «باقىتتىڭ ءمانى-پاراساتتىلىقتا, اركىمنىڭ ءوز الدىنا يگىلىكتى ماقسات قويا بىلۋىندە, ول ماقساتپەن كەزدەيسوق راقات ءۇشىن ەمەس, ادامنىڭ ءوز مىنەز-قۇلقىن, ءىس-ارەكەتىن ەرىكتى تۇردە وزگەرتىپ, ءىزگىلىككە باعىتتاپ وتىرۋىندا» دەپ پاراساتتىلىق قاسيەتىنىڭ ماعىناسىن اشىپ ايتقان. پاراساتتىلىق-بارلىق ادامزاتتىڭ بويىندا مىندەتتى قولدانىلاتىن قاسيەتتەردىڭ ءبىرى بولۋى كەرەك.
سىبايلاس جەمقورلىققا قارسى ءىس-قيمىل اگەنتتىگىنىڭ شىمكەنت قالاسى بويىنشا دەپارتامەنتىنىڭ جانىنداعى اقپاراتتىق – اعارتۋشىلىق شتابىنىڭ جەتەكشىسى, م.اۋەزوۆ اتىنداعى وقمۋ-ءنىڭ «الەۋمەتتىك جانە تاربيە ءىسى جونىندەگى» پرورەكتورى ماجينبەكوۆ س.ا.
