نۇر-سۇلتان قالاسى پوليتسيا دەپارتامەنتىنىڭ ءباسپاسوز قىزمەتى حابارالاعانداي, 29 ءساۋىر مەن 10 مامىر ارالىعىندا داۋىلپاز كوشەسىنەن ەلىم-اي كوشەسىنە دەيىنگى ايماقتاعى كارىز جۇيەسىنىڭ ماگيسترالدى كوللەكتورىنىڭ قۇرىلىسىنا بايلانىستى ب.مومىش ۇلى داڭعىلى مەن ا.توقپانوۆ كوشەسىنىڭ قيىلىسىندا ەكى باعىتتا كولىك قوزعالىسى توقتاتىلادى. «كولىك قوزعالىسى ۋاقىتشا جابىق ايماققا ءتيىستى جول بەلگىلەرىن قويۋ ارقىلى اينالما جولمەن ۇيىمداستىرىلادى», - دەلىنگەن ءباسپاسوز حابارلاماسىندا. بۇل ۋچاسكەدەگى كولىك جىلدامدىعى ساعاتىنا 40 كم-گە دەيىن شەكتەلگەن. قالالىق پوليتسيا دەپارتامەنتى كولىك جۇرگىزۋشىلەرىنە قالا جولدارىندا كەپتەلىس بولماۋى ءۇشىن جول ءجۇرۋ مارشرۋتىن الدىن-الا جوسپارلاۋدى ەسكەرتەدى.
