سونىمەن, امسق مەنەدجمەنتىمەن تىكەلەي ديالوگ نەگە ماڭىزدى؟
قازاقستاندا الەۋمەتتىك مىندەتتى مەديتسينالىق ساقتاندىرۋدىڭ جاڭا مودەلىنىڭ تولىعىمەن ىسكە قوسىلۋى كوروناۆيرۋس پاندەمياسىنىڭ ورشۋىمەن ورايلاس بولدى. سوڭعى 4 ايدا قازاقستاندىقتار تاراپىنان, اسىرەسە كارانتين كەزەڭىندە ءمامس جۇيەسىندە ەمدەۋ جانە اقى تولەۋ تۋرالى سۇراق كوپ بولدى.
مەديتسينالىق ساقتاندىرۋ قورىنىڭ باسشىلىعى پاتسيەنتتەرمەن ءتيىمدى كەرى بايلانىس ورناتۋ ءۇشىن شاعىمدار مەن سۇراقتاردى قابىلداۋدىڭ ءداستۇرلى ارنالارىن عانا ەمەس, سونىمەن قاتار ءارتۇرلى ەلەكتروندى بايلانىستاردى دا قولدانىپ وتىر.
جوعارىدا اتاپ وتكەندەي, وسىنداي تاعى ءبىر بايلانىس 28 ساۋىردە ساعات 11.00-دە ارمانجان بايتاسوۆتىڭ ينستاگرامداعى پاراقشاسىندا ءوتتى. جۇرگىزۋشى ءوزىنىڭ اككاۋنتىندا وقىرمانداردىڭ سۇراقتارىن الدىن-الا جيناپ, ولاردى كەلەسى تاقىرىپتارعا بىرىكتىردى:
- كوروناۆيرۋستىق ينفەكتسيانىڭ جالپى جاعدايى جانە كۆي-مەن كۇرەسەتىن دارىگەرلەردى قارجىلاندىرۋ ماسەلەلەرى.
- مەديتسينا قىزمەتكەرلەرىنىڭ جالاقىسىنا ۇستەمە اقىلاردى بەلگىلەۋ مەن ونىڭ مولشەرىنىڭ ەرەجەسى.
- توتەنشە جاعدايلار كەزىندەگى ءمامس جۇيەسىنە سالىمدار مەن اۋدارىمدار.
- كارانتين جاعدايىندا مەديتسينالىق كومەك كورسەتۋ.
- الەۋمەتتىك مەديتسينالىق ساقتاندىرۋ قورىنىڭ قىزمەتى تۋرالى.
تومەندە بايانداماشىنىڭ بىرنەشە وزەكتى سۇراقتارى مەن جاۋاپتارى بەرىلىپ وتىر. ءبىراز ۋاقىتتان كەيىن مەديتسينالىق ساقتاندىرۋ قورى ايباتىر جۇماعۇلوۆتىڭ سويلەگەن ءسوزىنىڭ تولىق ءماتىنىن جانە كونفەرەنتسيانىڭ بەينە فايلىن جاريالايدى.
كوروناۆيرۋستىق ينفەكتسيامەن كۇرەستى قارجىلاندىرۋ سۇراقتارىنا قاتىستى
ايباتىر جۇماعۇلوۆ جينالعاندارعا قور توتەنشە جاعدايدا جانە ۆيرۋستىڭ تارالۋىن بولدىرماۋعا باعىتتالعان الدىن-الۋ شارالارى جاعدايىندا جۇمىس جاساۋعا تۋرا كەلگەنىن جەتكىزدى. سونىمەن قاتار COVID-19 بار ناۋقاستاردىڭ قازىرگى ستاتيستيكاسى جانە تقسبك (قر دەنساۋلىق ساقتاۋ مينيسترلىگىنىڭ تاۋارلار مەن قىزمەتتەردىڭ ساپاسىن باقىلاۋ كوميتەتى) ەپيدەميولوگتارىنىڭ قاجىرلى جۇمىسى تۋرالى ايتىلدى.
كوروناۆيرۋسپەن كۇرەسكە قاتىساتىن بارلىق ۇيىمداردى قارجىلاندىرۋ تۋرالى سۇراعاندا, سپيكەر كەلەسى كورسەتكىشتەردى جاريالادى:
COVID-19 پروفيلاكتيكاسىنا رەسپۋبليكالىق بيۋدجەت قاراجاتىنان 55,9 ملرد. تەڭگە قاراستىرىلعان, ونىڭ ىشىندە: ينفەكتسيالىق, ۋاقىتشا جانە كارانتيندىك اۋرۋحانالاردا ەمدەلگەن جاعدايلارعا 14,7 ملرد. تەڭگە, دياگنوستيكالىق زەرتتەۋلەرگە 5,4 ملرد, مەديتسينالىق قىزمەتكەرلەردىڭ جالاقىسىنا تولەنەتىن سىياقى 35,8 ملرد. تەڭگە (21 877 ادامعا).
ناۋرىزدا وسى سومادان 3,4 ملرد. تەڭگە 17,7 مىڭ مەديتسينا قىزمەتكەرىنە سىيلىقاقى تولەۋگە جىبەرىلدى.
كۆي-مەن بايلانىستى جۇمىستاردى تولەۋ ءۇشىن قور ءتيىستى قىزمەتتەرگە تاريفتەر جاسادى:
- اۋرۋحاناعا كارانتينگە جاتقىزۋ مولشەرى - 10 413,96 تەڭگە.
- الدىن الا اۋرۋحاناعا جاتقىزۋ ءتاريفى - 11 619,80 تەڭگە.
3.تاۋلىك بويى جۇمىس ىستەيتىن اۋرۋحانانىڭ ينفەكتسيالىق بولىمىندەگى ەمدەلۋشىگە ارنالعان تاريف 15 113,34 تەڭگەنى قۇرايدى.
- پتر بويىنشا COVID-19 تەستىن وتكىزۋ - 11 499 تەڭگە.
بۇل تاريفتەر قر دەنساۋلىق ساقتاۋ مينيسترلىگىنىڭ ءتيىستى بۇيرىعىمەن بەكىتىلگەن جانە قر ادىلەت مينيسترلىگىندە تىركەلگەن.
ءساۋىر ايىندا دارىگەرلەرگە تولەنەتىن سىياقى وزگەرە مە؟
سونىمەن قاتار, ءتيىستى تاۋەكەل توپتارىنا كىرمەيتىن دارىگەرلەر بونۋستار الا ما؟
ايباتىر نىشان ۇلى ءساۋىر ايىندا سىياقىلاردىڭ مولشەرىن قاراستىرۋ جۇرگىزىلمەگەنىن ايتتى. مەديتسينا قىزمەتكەرلەرىنە تولەنەتىن جاردەماقى ماسەلەسى وبلىستاردىڭ, رەسپۋبليكالىق ماڭىزى بار قالانىڭ جانە استانا اكىمدەرىنىڭ ورىنباسارلارى توراعالىق ەتەتىن ايماقتىق كوميسسيالاردا شەشىلەدى. كوميسسيا COVID-19 كوروناۆيرۋسىن جۇقتىرۋ قاۋپى بار تۇلعالاردىڭ قوسىمشا ءتىزىمىن ۇسىنۋعا قۇقىلى, وعان كرەديتورلىق بەرەشەك بولماعان كەزدە مەديتسينالىق ۇيىمنىڭ قاراجاتى ەسەبىنەن سىياقى تولەنەدى, قىزمەتكەرگە اي سايىنعى تولەمدەردى تولەۋ ءۇشىن كوميسسيا دەنساۋلىق ساقتاۋ ۇيىمى باسشىسىنىڭ ۇسىنىسى بويىنشا COVID-19 كوروناۆيرۋسىمەن كۇرەسۋ شەڭبەرىندەگى ەپيدەمياعا قارسى شارالار اياسىندا دەنساۋلىق ساقتاۋ ۇيىمدارىنىڭ قىزمەتكەرلەرىنە ەسەپتەلگەن سىياقىلاردىڭ مولشەرى تۋرالى الەۋمەتتىك مەديتسينالىق ساقتاندىرۋ قورىنا نەمەسە بيۋدجەتتىك باعدارلاما اكىمشىلەرىنە اقپارات بەرەدى.
توتەنشە جاعداي كەزىندە بجت تولەۋ قاجەتتىلىگى تۋرالى ماسەلە.
بۇل سۇراققا باسقارما توراعاسى اتاپ وتكەندەي, بجت تولەۋدىڭ ەرەكشەلىگى - الدىڭعى كەزەڭ ءۇشىن تولەم جاساۋ مۇمكىندىگىمىزدىڭ جوقتىعى, ياعني ءساۋىر ايىندا ناۋرىز ايىنا تولەي المايمىز, مۇنداي جاعدايدا ءمامس جۇيەسىنە 2125 تگ كولەمىندە تاۋەلسىز تولەۋشى رەتىندە تولەۋگە بولادى.
دەمەك, ەگەر قازىر تولەۋشىنىڭ ءمامس جۇيەسىندە تولەۋ مۇمكىندىگى بولماسا, وندا ول بولاشاقتا پايدا بولعان قارىزدى تاۋەلسىز تولەمدەر ارقىلى وتەي الادى, بىراق توتەنشە جاعدايعا بايلانىستى 1 شىلدەگە دەيىن ءمامس جۇيەسىندە مەديتسينالىق كومەك الۋعا قۇقىلى بولادى.
توتەنشە جاعداي كەزىندە ءمامس جۇيەسىنە جارنا تولەۋ ماسەلەسى تۋرالى جەكە كاسىپكەرلەردەن كوپتەگەن سۇراقتار بولدى.
جاۋاپ رەتىندە سپيكەر ۇكىمەتتىڭ قىزمەتكەرلەرگە, شاعىن جانە ورتا بيزنەسكە, ونىڭ ىشىندە جۇمىس بەرۋشىلەرگە ءمامس-كە اۋدارىمدار مەن جارنالار تولەۋدەن بوساتۋ تۋرالى شەشىمىن جاريالاعانىن جەتكىزدى جانە ول جەكە كاسىپكەرلەر, ەكونوميكانىڭ ەڭ كوپ زارداپ شەككەن سالالارىندا 2020 جىلدىڭ 1 قازانىنا دەيىن ۇزارتىلدى. بۇل رەتتە جەكە كاسىپكەرلەردىڭ ءوزى وزدەرىنىڭ پايداسىنا جارنالار تولەۋگە مىندەتتى. كاسىپكەرلىك قىزمەتتى توقتاتا تۇرعان جاعدايدا ولار جارنالاردى بجت ارقىلى نەمەسە تاۋەلسىز تولەۋشى رەتىندە تولەۋى كەرەك (ەڭ تومەنگى جالاقىنىڭ 5% نەمەسە 2126 تگ). سونداي-اق, جەكە كاسىپكەرلەر ۇكىمەتتىڭ 2020 جىلعى 27 ناۋرىزداعى قاۋلىسىنا سايكەس جارنا تولەۋدى كەيىنگە قالدىرۋدى 1 ماۋسىمعا دەيىن قولدانا الادى.
الماتى
