بۇگىندە جوو تۇلەكتەرىنە جۇمىسقا ورنالاسۋ وڭاي ەمەس. پاندەميا جاعدايىندا ماسەلە ودان كۇردەلەنىپ كەتتى. ادەتتە جازدىڭ باسىندا ۋنيۆەرسيتەت قابىرعاسىندا وتەتىن بوس ورىندار جارمەڭكەلەرى بيىلعى جىلى قولجەتىمسىز. وسى ورايدا Satbayev University قازاقستاندا العاش رەت 15 مامىردا ستۋدەنتتەر ءۇشىن ساندىق ەڭبەك بيرجاسىن ىسكە قوسىپ وتىر. جىل سايىن وتەتىن Satbayev University بوس ورىندار جارمەڭكەسى ەندى ونلاين مامانداندىرىلعان پلاتفورمادا وتەتىن بولادى.
قازاقستاندىق جانە حالىقارالىق كومپانيالاردىڭ وكىلدەرىنە 3 جانە 4 كۋرس ستۋدەنتتەرى ءوز تۇيىندەمەلەرىن تانىستىرىپ قانا قويماي, الەۋەتتى جۇمىس بەرۋشىلەردەن تەستىلەۋدەن وتۋگە جانە ودان ءارى جۇمىسقا ورنالاسۋ ءۇشىن الدىن الا اڭگىمەلەسۋدەن وتۋگە بىرەگەي مۇمكىندىگى پايدا بولماق. سونىمەن قاتار ۋنيۆەرسيتەت باسشىلىعى سەمەي قالاسى ءماسليحاتىنىڭ دەپۋتاتتارى جانە قالا تۇرعىندارىنىڭ نازارىنا https://facultetus.kz/su جوو ءپروفيلىنىڭ قۇرىلعاندىعى جايىنداعى مالىمەتتى ۇسىنادى. وندا ستۋدەنتتەر ءوز تۇيىندەمەلەرىن, ال جۇمىس بەرۋشىلەر ءوز بوس ورىندارىن ورنالاستىرا الادى.
سايتتا ناقتى پارامەترلەردىڭ كومەگىمەن جۇمىس بەرۋشىلەر مەن ستۋدەنتتەر ءبىر-ءبىرىن كورە الادى ءارى الاڭ ىشىندە ءوزارا بايلانىس جاساۋ مۇمكىندىگى قاراستىرىلعان. بارلىق شاقىرتۋلار مەن ۇندەۋلەر قاتىسۋشىلاردىڭ جەكە كابينەتتەرىندە جيناقتالادى, وندا كەلىسۋ نەمەسە باس تارتۋ مالىمەتتەرى بولۋى مۇمكىن. تاراپتار ءبىر-بىرىمەن بايلانىسقا شىعىپ, جۇمىس بەرۋشى سۇحباتقا شاقىرا الادى. بيىل جارمەڭكەگە ەلىمىزدىڭ ء ىرى كومپانيالارى قاتىسادى.
الماتى
