ەرگەن ونەرتاپقىش جەتكىنشەكتەر ءسابيدىڭ داۋىسى شىققان ساتتە ونىڭ بىردەن قوزعالۋىن باسشىلىققا العان. بەسىككە ورناتىلعان ديكتوفونعا اناسى ءوز داۋىسىمەن بەسىك جىرىن جازا الادى. بەسىك دىبىسسىز تەربەلەدى. باسقارعىشپەن قاشىقتان تەربەتۋگە ءارى تەمپەراتۋراسىن ەكران ارقىلى قاداعالاۋعا بولاتىن بەسىكتەگى كەز كەلگەن قولايسىزدىقتا ەسكەرتۋ دىبىسى بەرىلەدى.
ليتسەي ديرەكتورىنىڭ وقۋ ءىسى جونىندەگى ورىنباسارى كۇلجان شاجاباەۆا روبوتتى تەحنيكا ۇيىرمەسىنە قاتىساتىن وقۋشىلار جىل سايىن مودەلدەۋ تۇرلەرىنەن اۋداندىق, قالالىق, حالىقارالىق, رەسپۋبليكالىق جارىستار مەن وليمپيادالاردا باقتارىن سىناپ, جۇلدەلى ورىندارعا يە بولىپ جۇرگەنىن جەتكىزدى. روبوتتى تەحنيكا زەرتحاناسىنىڭ مىندەتى وقۋشىلاردىڭ جاڭاشىل تەحنيكالىق ءبىلىم الۋعا دەگەن قۇشتارلىعىن دامىتۋ بولسا, ولاردى زاماناۋي كاسىپكە باۋلۋدا روبوتتى تەحنيكا ۇيىرمەسىنىڭ وقىتۋشىلارى داستان راحاتوۆ, بەگالى احمەتوۆتىڭ ەڭبەكتەرى زور. ءبىر روبوتتى قۇراستىرۋ مەن باعدارلاما جازىپ شىعۋعا كەتەتىن ۋاقىت مولشەرى ونىڭ كۇردەلىلىگى بويىنشا انىقتالادى. مۇندا ماقساتقا جەتۋ ماڭىزدى. جاڭادان كەلۋشىلەردى جەتەكشىلەرى عانا ەمەس, سونداي-اق جوعارى سىنىپ وقۋشىلارى دا باۋليدى. ءبىتىرۋشى سىنىپ وقۋشىلارى ءىزباسارلارىنا الدىمەن روبوت قۇراستىرۋدى, باعدارلامالاۋدى ۇيرەتەدى.
ليتسەي وقۋشىلارى الداعى ۋاقىتتا روبوتتى تەحنيكا ۇيىرمەسىندە راديو جۇيەسى ارقىلى باسقارىلاتىن, ادامداردىڭ دەنە قىزۋىن ولشەيتىن جانە زالالسىزداندىرۋدا قولداناتىن روبوت ويلاپ شىعارۋدى جوسپارلاپ وتىر. قازىرگى كەزدە مەكتەپتەگى ۇيىرمە جۇمىستارىنا قاتىساتىن 5-10-سىنىپتىڭ بەلسەندى وقۋشىلارى باعدارلامالاردى قاشىقتان جۇيەلەۋ جۇمىستارىن جەتىلدىرۋ ۇستىندە.
الماتى
