ايماقتار • 27 ءساۋىر، 2020

تالاسباەۆانىڭ ماسەلەسى كەلەسى اپتادا تالقىلانادى

119 رەت كورسەتىلدى

جامبىل وبلىسى اكىمدىگىنىڭ مادەنيەت، ارحيۆتەر جانە قۇجاتتاما باسقارماسى ء(ارى قاراي – باسقارما)، «ەگەمەن قازاقستان» گازەتىنىڭ سايتىندا جاريالانعان «تالاسباەۆانىڭ تاساسىندا كىم تۇر؟» دەگەن ماقالاعا قاتىستى تومەندەگىنى حابارلايدى.

باسقارما تاراپىنان، ج.تالاسباەۆانىڭ جۇمىس بەرۋشىسى كىتاپحانا ديرەكتورى ا.ورازقۇلوۆاعا ءتيىستى شارالار قولدانۋ ءۇشىن بىرنەشە مارتە ۇسىنىس بەرىلگەن. باسقارمانىڭ جاۋاپتى ماماندارىنىڭ قاتىسۋىمەن ۇجىمدىق جينالىس وتكىزىلگەن، كىتاپحانا باسشىلىعى ءار قىزمەتكەرمەن جەكە پروفيلاكتيكالىق جۇمىستارىن جۇرگىزگەن جانە قازاق سوقىرلار قوعامىنىڭ مۇشەلەرىمەن بىرلەسىپ ج.تالاسباەۆانىڭ ءىس-ارەكەتتەرىنە قاتىستى ارنايى جيىن وتكىزگەن. الايدا، بارلىق جينالىس ناتيجەسىز قالدىرىلعان.  

ج.مۇلكىبەكوۆانىڭ ج.تالاسباەۆانىڭ ۇستىنەن باسقارماعا جازعان ارىزىنا قاتىستى:

يا، ج.مۇلكىبەكوۆا 2019 جىلدىڭ قاراشا ايىندا  باسقارما باسشىسىنا ج.تالاسباەۆانىڭ ۇستىنەن، ونىڭ ار-نامىسىنا جانە قادىر، قاسيەتىنە ءتىل تيگىزگەنى ءۇشىن جۇمىستان بوساتۋدى نەمەسە ءتيىستى شارا قولدانۋدى سۇرانعان. الايدا، مۇنداي شارانى قولدانۋعا قر ەڭبەك كودەكسىنە سايكەس، باسقارمانىڭ قۇزىرەتتىلىگى شەكتەۋلى بولعاندىقتان، «جەكە جانە زاڭدى تۇلعالاردىڭ وتىنىشتەرىن قاراۋ ءتارتىبى تۋرالى» قازاقستان رەسپۋبليكاسى زاڭىنىڭ تالاپتارىنا سايكەس، قۇزىرەتتىلىگى بويىنشا قاراۋ ءۇشىن جامبىل وبلىستىق كوزى كورمەيتىن جانە ءالسىز كورەتىن ازاماتتار كىتاپحاناسىنىڭ ديرەكتورىنا جولدانعان.

ناتيجەسىندە ۇجىمداعى مورالدىق-پسيحولوگيالىق احۋالدى قالپىنا كەلتىرۋ باعىتىندا ءتيىستى جۇمىستاردى اتقارا الماعانى ءۇشىن كىتاپحانا ديرەكتورى ا.ورازقۇلوۆا باسشىلىق لاۋازىمىنان ءوز ءوتىنىشى بويىنشا  بوساتىلعان.

2019 جىلدىڭ قاراشا ايىندا كىتاپحاناشى ج.موتاەۆا دا ج.تالاسباەۆاعا قاتىستى تاراز قالالىق سوتىنا جۇگىنگەن. №2 قالالىق سوتىنىڭ ۇكىمى اعىمداعى جىلدىڭ 21 ساۋىرىندە  شىقتى. الايدا زاڭدى كۇشىنە ەنگەن جوق.

بۇگىنگى كۇنى ج.تالاسباەۆا ءوز ءوتىنىشى بويىنشا كەزەكتى ەڭبەك دەمالىسىندا. 2020 جىلدىڭ 4 مامىرىندا   جۇمىسقا قايتا كىرىسكەننەن كەيىن اتالعان ماسەلە تاعى دا جان-جاقتى تالقىلاناتىن بولادى. 

 

سوڭعى جاڭالىقتار

اراق اۋرۋدان ايىقتىرمايدى

كوروناۆيرۋس • 10 شىلدە، 2020

پنەۆمونياعا باسقا اتاۋ بەرىلۋى مۇمكىن

كوروناۆيرۋس • 10 شىلدە، 2020

كوروناۆيرۋس ىندەتى 3 كەزەڭنەن تۇرادى

كوروناۆيرۋس • 10 شىلدە، 2020

ۇقساس جاڭالىقتار