جەتىسۋداعى مايدانگەرلەر مەن تىل ارداگەرلەرى جانە ولارعا تەڭەستىرىلگەندەردىڭ دەنى تالدىقورعان قالاسىندا تۇرادى ەكەن. قازىر وبلىس ورتالىعىندا قان مايداننان امان ورالعان 10 قارت جاۋىنگەر, 1452 تىل ارداگەرى, 65 مايدانگەردىڭ جەسىرى جانە فاشيستىك كونتسلاگەر تۇتقىنى بولعان 1 ادام مەكەن ەتەدى.
- جەڭىستىڭ 75 جىلدىعىنا وراي سوعىس ارداگەرلەرى نازاردان تىس قالمايدى. قاھارمانداردىڭ بارىنە بىردەي الەۋمەتتىك, ماتەريالدىق كومەك كورسەتىلەدى. وبلىستىق بيۋدجەتتەن ەكىنشى دۇنيەجۇزى سوعىسىنىڭ قاتىسۋشىلارىنا, مۇگەدەكتەرىنە, جالپى 10 163 ادامعا ءبىر رەتتىك ماتەريالدىق كومەك كورسەتىلەدى. وسى ماقساتقا وبلىستىق قازىنادان 386 ملن تەڭگە قاراستىرىلعان. ال تالدىقورعان قالاسىندا تۇراتىن 10 ارداگەرگە لايىقتى قۇرمەت كورسەتۋدى باستاپ كەتتىك, - دەيدى تالدىقورعان قالاسى اكىمىنىڭ ورىنباسارى ساۋلە ارزانبەكوۆ.
الماتى وبلىسى
