قازاقستان • 27 ءساۋىر، 2020

ءبىرىنشى كەزەڭدە كۇنىنە 4 رەيس جاساۋ جوسپارلانۋدا - مينيستر

13 رەت كورسەتىلدى

نۇر-سۇلتان جانە الماتى قالالارى اراسىنداعى اۋە بايلانىسى تۋرالى مينيستر داۋرەن اباەۆ ايتتى.

«نۇر-سۇلتان مەن الماتى قالالارى اراسىندا ءبىرىنشى كەزەڭدە كۇنىنە 4 رەيس جاساۋ جوسپارلانۋدا. ونىڭ ىشىندە ەكى رەيس «ەير استانا»، ءبىر رەيس «فلاي ارىستان»، ءبىر رەيس «سكات» كومپانيالارىنا تيەسىلى. ولار بيلەت قۇنىن كارانتينگە دەيىنگى دەڭگەيدە ۇستاۋ مىندەتتى. ال جاعداي تۇزەلگەن سايىن رەيس سانىن، ۇشاق سىيىمدىلىعىن ارتتىرۋ ماسەلەسى قاراستىرىلادى. اۋە تاسىمالى، كولىكتەگى باس سانيترالىق دارىگەر بەكىتكەن كۇشەيتىلگەن سانيتارلىق تالاپتار ارقىلى جاسالادى. ۇشۋ ءۇشىن جولاۋشىدا COVID-19 بەلگىسى جوق ەكەنىن راستايتىن انىقتاما بولۋى كەرەك»،- دەدى مينيستر.

سونداي-اق ۇشۋ ءۇشىن سانيتارلىق تالاپتار قاتاڭ ساقتالاتىنىن ايتتى:
- جولاۋشىدا COVID-19 بەلگىسى جوق ەكەنىن راستايتىن انىقتاما بولۋى كەرەك. انىقتامانىڭ جارامدىلىق مەرزىمى پىسىقتالۋدا.
- جەكە قورعانىش قۇرالدارىن قولدانۋ كەرەك (ماسكا، قولعاپ).
- قىزۋىن ولشەتىپ، ءتيىستى ديستانتسيانى ساقتاۋ قاجەت.
- اۋەجايدا جانە ۇشاقتا كۇشەيتىلگەن دەزينفەكتسيا جاسالادى.

ايتا كەتۋ كەرەك، بۇگىن  مەملەكەت باسشىسى قاسىم-جومارت توقاەۆ كوروناۆيرۋسقا بايلانىستى جاريالاعان مالىمدەمەسىندە  1 مامىردان باستاپ ەلوردا مەن الماتى اراسىنداعى رەيستەردىڭ اشىلاتىنىن ايتتى.

 

 
سوڭعى جاڭالىقتار

تۇركىستان جاسىل قالاعا اينالۋدا

وڭتۇستىك قازاقستان • كەشە

ۇقساس جاڭالىقتار