– جىل باسىندا حالىق الدىنداعى ەسەپتى جيىندا جول ماسەلەسىنە ەرەكشە ايتىلعان ەدى. ءبىز ۋادەمىزدى ورىندايمىز, دەدى قالا باسشىسى.
جالپى بۇل ورام قالا قۇرامىنا ەنگەن 41 ەلدى مەكەننىڭ ءبىرى.
– باستاپقىدا ورامدا ءتىپتى توپىراق جول دا بولعان جوق. ەلەكتر جەلىسىن جۇرت شاما-شارقىنشا تارتىپ العان ەدى. اۋىز سۋدى تاسىپ ىشەتىنبىز. قالا اۋماعىنا ەنىپ, ەرنىمىز سۋعا جارىدى, - دەيدى ورامنىڭ توبە ءبيى ەرەجەپ شەرمەتوۆ.
بۇگىندە ورامعا باعانالار تارتىلىپ, اۋىز سۋ مەن جولدىڭ قۇجاتى ازىرلەنگەن. مۇنداعى ەڭ وزەكتى ماسەلەلەر بيىل شەشىلمەك. كەزىندە تاس توسەلمەي قالىپ كەتكەن كوشەلەر دە تىركەۋگە الىنۋدا.
– قالاداعى جول جوندەۋ جۇمىستارىنا بيىل قازىنادان 25 ملرد. تەڭگەدەن استام قارجى بولىنگەن. بۇل – قوماقتى قاراجات. ونى ۋاقىتىندا ءارى ماقساتتى يگەرۋىمىز قاجەت, - دەگەن قالا باسشىسى جاۋاپتىلارعا ناقتى مىندەتتەر جۇكتەپ, شىمكەنت قالاسىنىڭ قۇرامىنا ەنگەن 41 ەلدى مەكەننىڭ ينفراقۇرىلىم ماسەلەسى قايتا قارالاتىنىن ايتتى.
شىمكەنت
