قالالىق اۋىلشارۋاشىلىق ءبولىمىنىڭ باسشىسى داۋلەتبەك ءابدىراسۋلوۆ ەگىسكە دايىندىق تۋرالى ەسەپ بەردى. «ابزال ي ك» تولىق سەرىكتەستىگىنىڭ ديرەكتورى ماعجان ەراليەۆ كوكتەمگى ەگىن ناۋقانىنىڭ جۇمىستارى تالاپقا ساي جۇرگىزىلىپ جاتقانىن, 120 گەكتارعا بيداي, 158 گەكتار القاپقا ەسكى جوڭىشقا, ال 470 گەكتارعا كۇرىش ەگىلەتىندىگىن جەتكىزدى.
شاھار باسشىسى نۇرلىبەك نالىباەۆ جۇمىستىڭ اگروتەحنيكالىق تالاپتارعا ساي جۇرگىزىلۋىن نىقتاپ, ديقاندارمەن ۇكىمەت تاراپىنان بەرىلىپ جاتقان جەڭىلدىكتەردى ءتيىمدى پايدالانۋ جايلى پىكىرلەستى.
العاشقى كۇرىش ەگۋ ناۋقانىندا ەڭبەك ارداگەرى سەرىك سەيتنازاروۆ شارۋالارعا باتا بەردى.
جالپى بيىل, كوكتەمگى دالا جۇمىستارىنا دايىندىق جۇمىستارى بەلگىلەنگەن جوسپارعا سايكەس جۇرگىزىلۋدە. قالا بويىنشا 7395 گەكتار جەرگە اۋىل شارۋاشىلىق داقىلدارىن ەگۋ مەجەلەنگەن. قازىر توتەنشە جاعدايعا قاراماستان شارۋاشىلىقتار بويىنشا ەرتە كوكتەمدە ەگىلەتىن 292 گەكتار جازدىق بيداي, 20 گەكتار ارپا, 5 گەكتارلىق القاپقا س ۇلى, 40 گەكتارعا ماقسارى ءدانى سەبىلدى. ال نەگىزگى داقىل – كۇرىشتى 3033 گەكتارعا ەگۋ جوسپارلانعان.
مەملەكەت باسشىسىنىڭ تاپسىرماسىمەن ناۋقانعا قاجەتتى 705 توننا ديزەل وتىنى كەزەڭ-كەزەڭىمەن جەتكىزىلۋدە. ء ار ءليترىنىڭ باعاسى 162 تەڭگە بولاتىن ارزان جانارماي ديقاندار ءۇشىن ۇلكەن قولداۋ ەكەنى انىق.
بۇگىنگى كۇنگە دەيىن سۋ شارۋاشىلىعى نىساندارىن دايىنداۋ, سۋ جۇيەلەرىن تازارتۋ جۇمىستارى تولىعىمەن ورىندالدى.
