قازاقستان • 27 ءساۋىر، 2020

شوب قولداۋ كورسەتىلمەيىنشە 361 كاسىپورىننىڭ ءتىزىمى قاراستىرىلمايدى

10 رەت كورسەتىلدى

ەكونوميكانى جاڭعىرتۋ جونىندەگى مەملەكەتتىك كوميسسيا وتىرىسىندا قازاقستانداعى كاسىپورىنداردى مەملەكەتتىك قولداۋ شارالارى قارالعانى بەلگىلى. وسى ورايدا ۇلتتىق ەكونوميكا مينيسترلىگى جۇيە قۇرۋشى كاسىپورىنداردىڭ ءتيىستى ءتىزىمىنىڭ جوباسىن تانىستىرىپ، وندا قۇرىلىس، كولىك، ەنەرگەتيكا، ساۋدا، جىلجىمايتىن م ۇلىكتى جالعا الۋ، تاۋ-كەن ءوندىرىسى جانە وڭدەۋ ونەركاسىبى سالالارىنداعى 361 كاسىپورىن ەنگىزىلگەندىگىن حابارلاعاني بولاتىن.

«اتامەكەن» ۇكپ وتكەن ونلاين ەفيردە مەملەكەت تاراپىنان نەلىكتەن وسى كاسىپورىنداردىڭ تىركەلگەنى تۋرالى «اتامەكەن» ۇكپ باسقارما توراعاسى ا.مىرزاحمەتوۆكە سۇراق قويىلىپ،  قوعامنىڭ نازارازىلىعىن تۋعىزعان 361 كاسىپورىنعا قاتىستى ءتيىستى ۆەدومستۆو ناقتى جاۋاپ بەرۋ كەرەكتىگى ايتىلدى.

«بۇل ءتىزىم مەكەمەنىڭ ىشكى جۇمىسىنا قاتىستى. بۇل ۇكىمەتتىڭ شەشىمى ەمەس، مينيسترلىك تاراپىنان بەكىتىلمەگەن. بۇل ساراپشىلاردىڭ كومپيۋتەرىنەن شىققان ءتىزىم. وعان «اتامەكەن» ۇكپ قاتىسى جوق. كاسىپكەرلەر پالاتاسى تەك انكەتا تولتىرۋ جاعىنا قول ۇشىن بەرگەنى راس. شاعىن جانە ورتا كاسىپتەگى كاسىپورىندارعا كومەكتەسپەي، ءىرى كاسىپورىنداردى قولداۋ مۇمكىن ەمەس» دەپ اتاپ ءوتتى ا.مىرزاحمەتوۆ. ونىڭ ايتۋىنشا،  ەلدەگى قاراپايىم حالىقتىڭ جانە ءالى دە اياعىنان تۇرماعان شاعىن جانە ورتا بيزنەستىڭ جاعدايىن قاراستىرماي، بۇل ۇلكەن تىزىمگە قولداۋ كورسەتۋ مۇمكىن ەمەس. توتەنشە جاعداي جاريالانعان كەزدە شاعىن كاسىپكەرلەرگە، فەرمەرلەرگە تۇسكەن سالماقتىڭ قانداي ەكەنى بەلگىلى بولدى. سوندىقتان دا بۇل ماسەلە تۇپكىلىكتى قارالاتىن بولادى.

سوڭعى جاڭالىقتار

ۇقساس جاڭالىقتار