«وتكەن اپتادا ەلباسىنىڭ قاتىسۋىمەن وتكەن جيىندا اۋىل شارۋاشىلىعىنا قولداۋ كورسەتۋ تۋرالى ايتقان بولاتىن. ال كوكتەمگى ەگىسكە قولداۋ كورسەتۋ ول سالانى عانا قولداۋدى بىلدىرمەيدى, ونىڭ ارتىندا مەملەكەتتىڭ ازىق-ت ۇلىك ساياساتى جاتىر» دەپ اتاپ وتكەن ر.وشاقباەۆتىڭ ايتۋىنشا, اۋىل شارۋاشىلىعى سالاسىنداعى ۇيىمداردى ءبىر قارجى ۇيىمىنا بىرىكتىرۋ قاجەت. اگروبانك اشۋ ماسەلەسىن قوزعاعان ەكونوميست «نەسيە بەرەتىن اۋىل شارۋاشىلىعى سالاسىنداعى ۇيىمداردىڭ ءبارىن ءبىر قارجى ۇيىمىنا بىرىكتىرىپ, سول ارقىلى كاسىپكەرلەردى تومەن پايىزدىق نەسيەمەن قولداعان ءجون» دەي كەلە كەپىلدىك قالدىرۋ تارتىبىنەن كەتىپ, ناقتى بيزنەس-جوسپارلارعا قاراجات اۋدارۋ كەرەكتىگىن ايتتى.
الايدا ەلدەگى كوپتەگەن بيۋروكراتيالىق كەدەرگىلەرگە بايلانىستى قارجىلاندىرۋعا قاتىستى شەشىمدەر كەشەۋىلدەپ قالدى. بۇل باعىتتا جۇمىستى بارىنشا جەدەلدەتۋ كەرەك. ونىڭ ايتۋىنشا, اۋىل شارۋاشىلىعىن قارجىلاندىرۋ تۇرعىسىندا بانك جۇيەسىنە عانا يەك ارتپاي, باسقا دا امالدارىن قاراستىرعان ءجون. ويتكەنى, بانكتەر شاعىن جانە ۇساق بيزنەس وكىلدەرىنە ۋاقىتىندا اقشا جەتكىزىپ بەرە المايتىنى انىق.
