ەستە بولسا, وسىدان ءۇش كۇن بۇرىن الەمگە دۇربەلەڭ سالعان اتى جامان تۇماۋدىڭ الدىن الۋ ءۇشىن 18 كۇندە سالىنعان سۋ جاڭا ءمودۋلدى اۋرۋحانانىڭ اشىلۋىنا قالا اكىمى باقىتجان ساعىنتاەۆ قاتىسقان بولاتىن. مەديتسينالىق مەكەمە زاماناۋي جابدىقتارمەن جاراقتالعان. دارىگەرلەردىڭ قاۋىپسىزدىگىنە دە بارلىق وڭتايلى جاعداي جاسالعان.
اۋرۋحانانىڭ بارلىق پالاتالارىمەن بولمەلەرى زاماناۋي جەلدەتكىشپەن قامتىلعان. مودۋلدىك كەشەندە پالاتالاردا تەرىس قىسىم جاسايتىن جەلدەتۋ جۇيەسى جۇمىس ىستەيدى. اتاپ ايتقاندا, ۆيرۋسى بار اۋا پالاتادان تىس جەرگە ەنبەيدى, ول ارنايى زالالسىزداندىرۋ جۇيەلەرىنە تۇسەدى. ەسكە سالايىق, اۋرۋحانا 280 توسەك-ورىنعا ەسەپتەلگەن. وندا 9 كلينيكالىق بولىمشە مەن 28 توسەك-ورىندىق جانساقتاۋ بولىمشەسى بار.
«كەشە كەشكى ساعات 18.00-دەن باستاپ العاشقى ناۋقاستاردى الىپ كەلدى. وندا قازىرگى ۋاقىتتا 43 پاتسيەنت جاتىر. ولاردىڭ ىشىندە بىرەۋىنىڭ عانا جاعدايى ورتاشا اۋىر دەپ باعالانىپ وتىر. ال, قالعاندارىنىڭ جاعدايى قاناعاتتانارلىق. دەرتىنىڭ اۋىرلىق دەڭگەيىنە قاراماستان, ءمودۋلدى اۋرۋحاناعا COVID-19 ينفەكتسياسىن جۇقتىرعان بارلىق ناۋقاس جاتقىزىلادى», – دەدى قالالىق قوعامدىق دەنساۋلىق باسقارماسى باسشىسىنىڭ ورىنباسارى اسەل بيسەنباەۆا.
