ايماقتار • 27 ءساۋىر، 2020

الماتى: زارارسىزداندىرۋ جۇمىستارىنىڭ 9 كەزەڭى اياقتالدى

27 رەت كورسەتىلدى

الماتى قالاسى اۋماعىن زارارسىنداندىرۋدىڭ توعىزىنشى كەزەڭى مارەگە جەتتى. كارانتين باستالعالى ماماندار ءار كەزەڭ سايىن 8 مىڭ 500 ءۇي مەن 23 مىڭ كىرەبەرىس جانە 4 مىڭنان استام اۋلانى دەزينفەكتسيالاعان.

اتالعان كەزەڭنىڭ قورىتىندىسى بويىنشا 7 مىڭنان استام كىرەبەرىس پەن 1345 اۋلاعا ءجۇز پايىز دەزينفەكتسيالىق جۇمىستار جۇرگىزىلدى. وعان 61 بريگادا مەن 453 ادام تارتىلىپ، بارلىعى 79 300 ليتر دايىن سۇيىقتىق پايدالانىلعان. ال قوعامدىق ورىندار مەن كوشەلەردى زالالسىزداندىرۋ ءۇشىن 150 ارنايى تەحنيكا مەن مىڭنان استام ادام جۇمىس ىستەدى. ناتيجەسىندە  4 ميلليون 420 مىڭ شارشى مەتر كوشە، 712 مىڭ شارشى مەتر جاياۋ جۇرگىنشىلەر جولى،  985  كونتەينەر مەن 201  كونتەينەر اۋماعى تولىق زالالسىزداندى.  بۇل ءۇشىن 817 مىڭ ليتر ۆيرۋسقا قارسى دايىن سۇيىقتىق جۇمسالعان.  

اتقارىلىپ جاتقان دەزينفەكتسيالىق جۇمىستاردىڭ ىشىندە كارانتينگە جابىلعان اۋماقتار دا بار. ينفەكتسيا وشاقتارىن ارنايى ماماندار كۇنىنە ەكى رەت مۇقيات زالالسىزداندىرىپ شىعادى. ىسكە اسىپ جاتقان جۇمىستاردىڭ بارلىق شىعىنى قالا اكىمدىگىنىڭ بيۋدجەتىنەن ءبولىنىپ وتىر.

«الماتى قالاسى اكىمدىگى اقشا ءبولىپ،  دەزينفەكتسيالاۋ جۇمىستارىنىڭ 9 كەزەڭىن وتكىزدىك. وسىنىڭ ءبارى الماتى قالاسى اكىمدىگىنىڭ قارجىسى ەسەبىنەن جۇرگىزىلىپ وتىرادى. ال پيك بۇرىننان كلينينگ كومپانيالارمەن شارتقا وتىرعان.  ولار اپتاسىنا ءبىر رەت پودەزدى جۋى كەرەك»، – دەدى الماتى قالاسى تۇرعىن ءۇي ساياساتى باسقارماسىنىڭ ينسپەكتسيا ءبولىمىنىڭ باسشىسى جاندوس قايىرحانوۆ.

سوڭعى جاڭالىقتار

اراق اۋرۋدان ايىقتىرمايدى

كوروناۆيرۋس • كەشە

ۇقساس جاڭالىقتار