ايماقتار • 27 ءساۋىر، 2020

الماتىدا پوليتسيا قالاي جۇمىس ىستەپ جاتىر؟

76 رەت كورسەتىلدى

الىپ مەگاپوليس تۇرعىندارى ءالى دە بولسا كۇشەيتىلگەن كارانتين رەجيمىندە ءومىر ءسۇرىپ جاتىر. كەيبىر ءىرى كاسىپورىندار جۇمىسىن باستاعانىمەن جولاۋشىلار مەن جۇرگىزۋشىلەردى تەكسەرۋ جۇمىستارى توقتاعان جوق.

«مىندەت – قوعامنىڭ قاۋىپسىزدىگىن قامتاماسىز ەتۋ. قىزمەتكەرلەرىمىز قالاداعى 27 بلوك-بەكەت پەن 41 ءموبيلدى بەكەتتە كارانتين كەزىندەگى حالىقتىڭ ءارلى-بەرلى قاتىناۋىن قاداعالايدى. ەش سەبەپسىز قالادا ءجۇرىپ-تۇرۋعا بولمايتىنىن بۇعان دەيىن دە ايتقانبىز. دەسە دە تارتىپكە باعىنبايتىندار ءالى دە تابىلۋدا. قازىرگى تاڭدا 476-باپ بويىنشا توتەنشە جاعداي رەجيمىن بۇزۋ جونىندە 1770 ادام اكىمشىلىك جاۋاپكەرشىلىككە تارتىلدى. ونىڭ ىشىندە 490 ادام قامالسا، قالعان ادامدارعا ايىپپۇل سالىندى نەمەسە ەسكەرتۋ جاسالدى»، – دەيدى الماتى قالاسى پوليتسيا دەپارتامەنتى اكىمشىلىك پوليتسيا باسقارماسىنىڭ باسشىسى جاندوس مۇراتاليەۆ.

بلوك-بەكەتتەردەن بولەك، قالا ىشىندە جۇمىس ىستەيتىن ءموبيلدى جەدەل توپتار شاhاردىڭ بارلىق اۋماقتارىن، كوشەلەرىن تۇتاس قامتىعان. ولار كولىكتىڭ مەملەكەتتىك ءنومىرىن پلانشەتتىڭ كومەگىمەن  ارنايى بازا ارقىلى تەكسەرىپ، جۇرۋگە رۇقساتتىڭ بار-جوعىن انىقتايدى. ال قالانىڭ تىنىس-تىرشىلىگىنە قاتىسى بار جۇك جانە قوعامدىق كولىكتەر ارنايى جولاق ارقىلى وتەدى. ەگەر كولىكتىڭ كارانتين كەزىندە جۇرۋگە رۇقساتى جوق بولىپ، ەش سەبەپسىز شىقسا، ترانسپورت ارنايى تۇراققا جەتكىزىلىپ، جۇرگىزۋشىگە قوماقتى ايىپپۇل سالىنادى.

سوڭعى جاڭالىقتار

تۇركىستان جاسىل قالاعا اينالۋدا

وڭتۇستىك قازاقستان • كەشە

ۇقساس جاڭالىقتار