«تۇرعىندار 4-ىقشام اۋداندا تۇنگى كلۋبتىڭ جۇمىس ىستەپ تۇرعانى تۋرالى حابارلادى. ولاردىڭ بەلسەندىلىگى ءۇشىن ريزاشىلىعىمىزدى بىلدىرەمىز. تەكسەرۋ ناتيجەسىندە اتالعان مەكەمەدەن ءبىزدىڭ بولىمگە 30 ادام جەتكىزىلدى, ولاردىڭ التاۋى مەكەمەنىڭ جۇمىسشىلارى. كلۋب قىزمەتكەرلەرىنىڭ ايتۋىنشا, مەكەمە قوجايىننىڭ بۇيرىعىمەن جۇمىس ىستەپ كەلگەن. ادامدار الكوگول ءىشىپ, بي بيلەپ, قورقور شەككەن. البەتتە, مۇنىڭ بارلىعى ينفەكتسيانىڭ تارالۋىنىڭ تىكەلەي سەبەپشى بولاتىن جاعدايلار. وكىنىشكە وراي, مۇنى ازاماتتار بىلە بەرمەيدى. بىراق كارانتيندى ساقتاۋ شارالارى, ەڭ الدىمەن, ءوزىمىزدىڭ قاۋىپسىزدىگىمىزگە باعىتتالعان. وسىنى ۇمىتپاعانىمىز ءجون», – دەيدى م.اۋەزوۆ اۋداندىق پوليتسيا باسقارماسىنىڭ باستىعى الىشەر تۇرسىنبەتوۆ.
بوستاندىق اۋدانىنىڭ پوليتسيا قىزمەتكەرلەرى دە جۇمىس ىستەپ تۇرعان كاراوكە كلۋبتى اشكەرەلەدى. مۇندا 12 ادام بولعان. بۇل جەردە كەلۋشىلەرگە ەروتيكالىق ماسساجعا دەيىن كوپتەگەن قىزمەت ۇسىنىلىپ كەلگەن. بوستاندىق اۋداندىق پوليتسيا باسقارماسىنىڭ باستىعى داۋرەن وتەباەۆ مالىمدەگەندەي, ۇستالعاندارعا قاتىستى قر اقبك-ءنىڭ 476-بابى 6-ءبولىمى بويىنشا اكىمشىلىك حاتتاما تولتىرىلدى. سوت شەشىمىمەن ولاردىڭ 9-ى اكىمشىلىك قاماۋعا الىنسا, قالعاندارىنا 10 اەك مولشەرىندە ايىپپۇل سالىنعان.
