ايماقتار • 27 ءساۋىر، 2020

قازاقستانداعى ەڭ جاس رەكتور تاعايىندالدى

6510 رەت كورسەتىلدى

«قازاق مەديتسينالىق ۇزدىكسىز ءبىلىم بەرۋ ۋنيۆەرسيتەتى» اق قۇرىلتايشىلار جينالىسىنىڭ شەشىمىمەن ۋنيۆەرسيتەت رەكتورى بولىپ – PhD، دوتسەنت، قازاقستان رەسپۋبليكاسىنىڭ «تالانتتى جاس عالىم» اتاعىنىڭ ءۇش مارتە يەگەرى، قازاقستان رەسپۋبليكاسىنىڭ تۇڭعىش پرەزيدەنتىنىڭ گرانتىن العان قايىرجان ابدىحالىقوۆ تاعايىندالدى.

ديرەكتورلار كەڭەسى اتالعان جوو باسشىسىنىڭ ورنىنا كانديداتتاردى ۇزاق ۋاقىت بويى قاراستىرعانىن جانە ەلىمىزدىڭ جوعارى ءبىلىم سالاسىنداعى تانىمال كاسىپقوي، مەنەدجەردى تاڭداعانىن اتاپ ءوتتى. قايىرجان ساياسات ۇلىنىڭ ۋنيۆەرسيتەت باسشىلىعىنا كەلۋى اتالعان ۋنيۆەرسيتەتتىڭ دەڭگەيى عانا ەمەس، سونىمەن قاتار وتاندىق جانە الەمدىك مەديتسينالىق ءبىلىم بەرۋ جۇيەسىنە جاعىمدى وزگەرىستەر ەنگىزىلۋى مۇمكىن دەگەن ءۇمىتىن  ءبىلدىردى.

قايىرجان ابدىحالىقوۆتىڭ ەڭبەك جولى ءبىلىم بەرۋ جۇيەسىمەن تىعىز بايلانىستى – وسى ۋاقىتتا ول بىلىكتى مەنەدجەر جانە بەدەلدى عالىم رەتىندە تانىلدى. قازمۋنو-نىڭ جاڭا جەتەكشىسى 37 جاستا، ول ورتالىق ازياداعى مەديتسينالىق ۋنيۆەرسيتەتتەردىڭ باسشىلارىنىڭ ىشىندەگى ەڭ جاس رەكتور. 

«كوروناۆيرۋستىق پاندەميا ۇلتتىق جانە عالامدىق دەڭگەيدە مەديتسينالىق كادرلاردىڭ تاپشىلىعىن ايقىن كورسەتتى. سونىمەن قاتار، ەڭبەك نارىعى ۇزدىكسىز وزگەرۋدە، دەنساۋلىق ساقتاۋ سالاسىندا قارىم قاتىناسقا جاۋاپ بەرەتىن ماماندارعا، مەديتسينالىق دەرەكتەردى تالدايتىن ساراپشىلارعا، تج كەزىندەگى الەۋمەتتىك كومەك باعدارلامالارىن ۇيىمداستىرۋشىلارعا جانە زەرتحانا قىزمەتكەرلەرىنە سۇرانىس ارتا باستادى. ءبىز بۇل ترەندتەردى ايقىن ءتۇسىنىپ، حالىقارالىق مەديتسينالىق ۋنيۆەرسيتەت رەتىندە جوعارى بىلىكتى مەديتسينالىق كادرلاردى دايارلاۋدىڭ بىرەگەي جۇيەسىن قۇرۋعا نيەتتىمىز»، – دەدى جاڭا رەكتور.

قازاق مەديتسينالىق ۇزدىكسىز ءبىلىم بەرۋ ۋنيۆەرسيتەتى 2018 جىلدان باستاپ،  6 ماماندىق بويىنشا باكالاۆرلاردى دايارلاۋعا باعىتتالعان ءبىلىم بەرۋ جۇيەسىنە  تولىعىمەن كوشتى. سونىمەن قاتار، ۋنيۆەرسيتەتتە جوعارى وقۋ ورنىنان كەيىنگى كاسىبي ءبىلىم بەرۋ – رەزيدەنتۋرا، ماگيستراتۋرا جانە دوكتورانتۋرا بار.

اتالمىش ۋنيۆەرسيتەت 1963 جىلى الما-اتا مەديتسينالىق زەرتتەۋلەردىڭ مەملەكەتتىك عىلىمي ينستيتۋتى (AGIUV) رەتىندە قۇرىلعان. 2014 جىلعى مامىردا قازاقستان رەسپۋبليكاسى ۇكىمەتىنىڭ قاۋلىسىمەن ينستيتۋت قايتا قۇرىلىپ، قازاق مەديتسينالىق ۇزدىكسىز ءبىلىم بەرۋ ۋنيۆەرسيتەتى بولىپ اتالدى. ۋنيۆەرسيتەتتە ءۇندىستاننان، بىرىككەن اراب امىرلىكتەرىنەن، شري-لانكادان، قىتايدان، رەسەيدەن جانە باسقا ەلدەردەن كەلگەن ستۋدەنتتەرى قوسا ەسەپتەگەندە 3000-نان استام ستۋدەنتتەر وقيدى.

 

الماتى

سوڭعى جاڭالىقتار

جەتى ءتۇرلى ءسوز

ادەبيەت • كەشە

انتىنا ادال ازامات

قازاقستان • كەشە

ەلوردا كۇنىنە تارتۋ

تەاتر • كەشە

ۇقساس جاڭالىقتار