قازاقستان • 27 ءساۋىر، 2020

«قازاقفيلم» ۇلى وتان سوعىسىنا ارنالعان فيلمدەردى كورسەتىلىمگە شىعاردى

331 رەت كورسەتىلدى

ۇلى جەڭىستىڭ 75 جىلدىعى جاقىنداپ كەلەدى. بۇل مەرەكە قازاقستاندىقتار ءۇشىن ەرەكشە ماڭىزدى. 1941 جىلى قازاق كسر-ىنەن 1 200 000-نان استام سارباز مايدانعا جۇمىلدىرىلدى، ولاردىڭ ءار ەكىنشىسى مايدان دالاسىندا قازا تاپقان.

سوعىستىڭ العاشقى جىلدارى رەسەيدىڭ ەۋروپالىق بولىگىندەگى كاسىپورىندار قازاقستانعا كوشىرىلدى. 1941 جىلى «موسفيلم» مەن «لەنفيلم» كەڭەستىك الماتىعا قونىس اۋداردى. ولاردى الماتى كينوستۋدياسىمەن بىرىكتىرۋ ناتيجەسىندە ورتالىق بىرىككەن كينوستۋدياسى (تسوكس) قۇرىلىپ، 1944 جىلعا دەيىن كسرو-نىڭ بارلىق كوركەم فيلمدەرىنىڭ 80% ءتۇسىرىلدى.

وكىنىشكە وراي، جىل سايىن جاۋعا قارسى كۇرەستە وزىندىك ۇلەسىن قوسقان ەكىنشى دۇنيەجۇزىلىك سوعىس ارداگەرلەرى ازايىپ كەلەدى. بەيبىت زاماندا ادامدار ءومىردىڭ قۇندىلىعىن ءاردايىم ەستە ساقتاۋى ءۇشىن سول جىلدارداعى قورقىنىشتى وقيعالاردى ۇمىتپاعانى ماڭىزدى. كينو – تاعدىرلارى سوعىسپەن تۇسپا-تۇس كەلگەن ادامداردىڭ تاريحىن تەرەڭنەن تولعايدى. بۇل بىزگە عاسىرلار بويى ميلليونداعان ادامداردىڭ قاسىرەتىن ۇمىتتىرمايدى.

– ۇلى جەڭىستىڭ 75 جىلدىعى قارساڭىندا «قازاقفيلم» كينوستۋدياسى ءوزىنىڭ youtube-ارناسىنا ءار جىلدارى تۇسىرىلگەن ۇلى وتان سوعىسى تۋرالى فيلمدەر توپتاماسىن اشىق كورسەتىلىمگە شىعاردى. توپتامانىڭ ىشىندە ءماجيت بەگالين، ابدوللا قارساقباەۆ، وراز ابىشەۆ، نۇرمۇحان ءجانتورين جانە ت.ب كلاسسيكتەردىڭ شەدەۆرلەرى جينالعان 20 فيلم بار. ءبىز كورەرمەندەردى جەڭىس كۇنىن جاقىنداتقان باتىرلاردىڭ ەرلىكتەرىن تاعى ءبىر رەت ەسكە تۇسىرۋگە شاقىرامىز» - دەدى ش.ايمانوۆ اتىنداعى «قازاقفيلم» اق پرەزيدەنتى ارمان اسەنوۆ.

كورەرمەن 27 ساۋىردەن باستاپ youtube-تاعى «قازاقفيلمنىڭ» رەسمي ارناسىنان مىنا سىلتەمەگە ءوتىپ: تومەندەگى فيلمدەردى تاماشالاي الادى:

1. «ۆو يميا رودينى» كوركەم ءفيلمى (ورتالىق بىرىككەن كينوستۋدياسى، رەج: دميتري ۆاسيلەۆ، ۆسەۆولود پۋدوۆكين، 1943 ج.);

2.     «جدي مەنيا» كوركەم ءفيلمى (ورتالىق بىرىككەن كينوستۋدياسى، رەج: الەكساندر ستولپەر، بوريس يۆانوۆ، 1943 ج.);

3.     «انا تۋرالى اڭىز» كوركەم ءفيلمى (رەج: الەكساندر كارپوۆ، 1963 ج.);

4.     «ەل باسىنا كۇن تۋسا» كوركەم ءفيلمى (رەج: ءماجيت بەگالين، 1967 ج.);

5.     «مانشۇك» كوركەم ءفيلمى (رەج: ماجيت بەگالين، 1969 ج.);

6.     «ورمان باللاداسى» (رەج: نۇرمۇحان ءجانتورين، تسوي گۋك ين، 1972 ج.);

7.     «تەل وسكەن ۇل» (رەج: ءشارىپ بەيسەمباەۆ، 1977 ج.);

8.     «سوعىستىڭ سوڭعى جىلى ەدى» كوركەم ءفيلمى (رەج: امانگەلدى تاجىباەۆ، 1983 ج.);

9.     «بالالىقتىڭ كەرمەك ءدامى» كوركەم ءفيلمى (رەج: ابدوللا قارساقباەۆ، 1983 ج.);

10.    ح/ف ء«اليا» كوركەم ءفيلمى (رەج: بولوت شامشيەۆ، 1985 ج.);

11.    ح/ف «مەنىڭ اپكەم ليۋسيا» كوركەم ءفيلمى (رەج: ەرمەك شىنارباەۆ، 1985 ج.);

12.   ح/ف «پانتەرانىڭ سەكىرىسى» كوركەم ءفيلمى (رەج: لەيلا ارانىشەۆا، 1986 ج.);

13.   ح/ف «تۇزدىكول جاعاسىنداعى ءۇي» كوركەم ءفيلمى (رەج: ءاسانالى ءاشىموۆ، يگور ۆوۆنيانكو، 2004 ج.);

14.  ء «اليا» دەرەكتى ءفيلمى (رەج: يۋ.پيسكۋنوۆ، 1970 ج.);

15.    «تالعات بيگەلدينوۆ» دەرەكتى ءفيلمى (رەج: وراز ابىشەۆ، 1979 ج.);

16.   «جەڭىس سولداتى» دەرەكتى ءفيلمى (رەج: ا.الپيەۆ، 1980 ج.);

17.   «قازاقستان ۇلى وتان سوعىسى جىلدارىندا» دەرەكتى ءفيلمى (رەج: ا.نۇعىمانوۆ، 1985 ج.);

18.    «اسىعا كۇتكەن جەڭىس» دەرەكتى ءفيلمى (رەج: ا.نۇعىمانوۆ، 1985 ج.);

19.    «قازاقتىڭ باۋىرجانى» دەرەكتى ءفيلمى (رەج: ق.وماروۆ، 2010 ج.);

20.     «باتىر بيگەلدينوۆ» دەرەكتى ءفيلمى (رەج: الماس ابدىكوۆ، 2011 ج.).

ەستەرىڭىزگە سالا كەتەيىك، توپتاما « ۇلى جەڭىستىڭ 75 جىلدىعى» پلەيليستىنە رەسىمدەلگەن.

سوڭعى جاڭالىقتار

جاڭا باعىت

ساياسات • كەشە

ءورت: قاۋىپ پەن ساقتىق

توتەنشە جاعداي • كەشە

تۇلعا تۋرالى تۋىندى

ادەبيەت • كەشە

جولبارىس جىمى

ادەبيەت • كەشە

ەل سەنىمىن جالعاعان جوبا

ەكولوگيا • كەشە

جەلاياقتار استانادا جينالادى

جەڭىل اتلەتيكا • كەشە

جانىبەكتى جەكپە-جەككە شاقىردى

كاسىپقوي بوكس • كەشە

ۇقساس جاڭالىقتار