چەحيادا ازاماتتارعا شەتەلگە بارۋعا, سونداي-اق ۇيدەن تىس جەرلەردە ون ادامنان اسپايتىن توپتارمەن ەركىن ءجۇرىپ-تۇرۋعا رۇقسات ەتىلگەن. 27 ساۋىردەن باستاپ قىزمەت كورسەتۋ سالاسىنىڭ كاسىپورىندارى مەن دۇكەندەر, فيتنەس ورتالىقتارى, كىتاپحانالار مەن حايۋاناتتار باقتارى اشىلادى. سونداي-اق, كوستەلدەر مەن شىركەۋلەردە قۇدايعا قۇلشىلىق ەتۋگە رۇقسات بەرىلۋى مۇمكىن.
حورۆاتيادا دۇكەندەر اشىلادى, مامىر-ماۋسىم ايلارىندا قالاارالىق جانە حالىقارالىق كولىك قوزعالىسى ىسكە قوسىلادى, ءبىلىم بەرۋ جانە دەنساۋلىق ساقتاۋ مەكەمەلەرىنىڭ, سپورت جانە مادەني ورتالىقتاردىڭ جۇمىسى قايتا جاندانادى.
شۆەيتساريادا جالپى كومەك كورسەتەتىن مەديتسينالىق, ستوماتولوگيالىق كابينەتتەر, سۇلۋلىق, ماسساج سالوندارى, كولىك جۋ ورىندارى جانە شارۋاشىلىق تاۋارلارىنىڭ دۇكەندەرى جۇمىس ىستەي باستايدى.
گرەكيادا كەيبىر مەملەكەتتىك قىزمەت ورگاندارى جۇمىسقا كىرىسەدى. يپوتەكالىق كەڭسەلەر, الەمدىك سوتتار جانە ءبىرىنشى ينستانتسيالى سوتتار اشىلادى.
گرۋزيادا جەڭىل اۆتوكولىكتەردىڭ, تاكسيدىڭ قوزعالىسىنا رۇقسات بەرىلەدى, ونلاين-ساۋدا, كەز كەلگەن ونىمدەردى جەتكىزۋ سەرۆيستەرىنىڭ جانە اشىق اگرارلىق بازارلاردىڭ جۇمىسى جاڭارتىلادى.
يسپانيا قاتاڭ كارانتين رەجيمىن ساقتايدى. مۇندا 14 جاستان كىشى بالالارعا سەرۋەندەۋ ءۇشىن ۇيدەن شىعۋعا رۇقسات بەرىلەدى.
