كوروناۆريۋس ەڭ كوپ تاراعان اقش-تا ناۋقاستار سانى 940 مىڭعا جۋىق.
الەمنىڭ سەگىز ەلىندە ۆيرۋس جۇقتىرعان ادامدار سانى ىندەتتىڭ وشاعى بولعان قىتايداعى كورسەتكىشتەن اسىپ كەتتى. ەۋروپا ەلدەرىنەن يسپانيا, يتاليا, فرانتسيا, گەرمانيا, ۇلىبريتانيا, ودان بولەك تۇركيا مەن يرانداعى جاعداي اۋىر.
سوڭعى اپتادا كورشىلەس رەسەيدە دە ۆيرۋس جۇقتىرعاندار سانى كوپ, ەلدە بارلىعى 80 مىڭنان استام ادام ىندەت جۇقتىردى.
ال قايتىس بولعاندار سانى بۇگىن 203 مىڭنان استى. قايتىس بولعان 54 مىڭعا جۋىق ادام اقش تۇرعىنى.
ىندەتتەن جازىلعان ناۋقاستار سانى 827 299 ادامعا جەتتى. اقش پەن گەرمانيادا جازىلعان ناۋقاستار 100 مىڭنان استى.
