ابزال شىمكەنتباي ۇلىنىڭ بايانداۋىنشا, اۋدان اۋماعىندا قاۋىپتى ىندەتتىڭ الدىن الۋ ءۇشىن 8 بلوك-بەكەت ورناتىلعان. بلوك-بەكەتتەردىڭ جۇمىسى قاتاڭ باقىلاۋدا. جالپى اۋداندا كارانتيندە - 49 ادام, سونداي-اق 19 ورىن وقشاۋلانعان. بارلىق وقشاۋلانعان ورىنداردا دەزينفەكتسيالاۋ جۇمىستارى تۇراقتى تۇردە جۇرگىزىلۋدە.
- اۋدانداعى 24 ەلدىمەكەندە 250 مىڭعا جۋىق تۇرعىن بار. بارلىق ەلدىمەكەندەر مەن كوپقاباتتى تۇرعىن ۇيلەردە زالالسىزداندىرۋ جۇمىستارى اتقارىلۋدا. وعان 40 اسكەري قىزمەتكەر مەن ارنايى 10 تەحنيكا جۇمىلدىرىلعان. اۋداندا ۇلكەن بازارلار ورنالاسپاعان, الايدا شاعىن ەلدىمەكەندەگى بازارلار تولىعىمەن جابىلدى. ازىق-ت ۇلىك باعاسىن تۇراقتاندىرۋ بويىنشا قۇرىلعان ءموبيلدى توپپەن كۇندەلىكتى رەيد جۇرگىزىلۋدە. ءبىزدىڭ اۋداندا 4 سۋپەرماركەت, 16 كىشى شاعىن ماركەت جانە 500-گە جۋىق دۇكەن ورنالاسقان. بارلىق ساۋدا ورىندارىنا ەسكەرتۋ قاعازى تاراتىلدى. ء"بىز بىرگەمىز" اكتسياسى بويىنشا شالعاي جاتقان ەلدى مەكەندەردەگى تۇرعىندارعا 50 مىڭعا جۋىق بەتپەردە تاراتىلسا, 6 100 مۇقتاج وتباسى ازىق-ت ۇلىك كومەگىن الدى. قازىرگى تاڭدا, قوسىمشا ءتىزىم جاساقتالدى, ول ءتيىستى ورىندارعا جولداناتىن بولادى, - دەدى قاراتاۋ اۋدانىنىڭ اكىمى.
سونداي-اق, بريفينگتە اۋدان اكىمى تۇرعىنداردىڭ قاجەتتى ازىق-ت ۇلىكپەن قامتاماسىز ەتىلىپ جاتقانىن دا اتاپ ءوتتى.
– «ماگنۋم» جەلىسى ارقىلى كومەك الاتىن ازاماتتار سانى – 4 055. دەگەنمەن, اۋداندا «ماگنۋم» جەلىسى ورنالاسپاعاندىقتان ءال-فارابي اۋدانىنا بارىپ كومەك الاتىن. قازىر ول شەشىمىن تاپتى, شالعاي جاتقان ەلدىمەكەندەرگە ءوزىمىز اپارىپ, تاراتۋ جۇمىستارىن اتقارۋدامىز, - دەدى اۋدان اكىمى ابزال الىقۇلوۆ.
شىمكەنت
