بۇگىنگى كۇنى كوروناۆيرۋستىق ينفەكتسيادان ساۋىعىپ, تاعى 6 ادام ەمدەۋدەن شىعارىلدى. ونىڭ ىشىندە ەكى ەر ادام جانە ءتورت ايەل كىسى بار. مەديتسينا قىزمەتكەرلەرى اراسىنان ءبىر ەر ادام جانە ءۇش ايەل بار. بەسىنشى پاتسيەنت ىستامبۇلدان ۇشىپ كەلگەن, التىنشى ادام مينسكىدەن ۇشىپ كەلگەن. بۇعان دەيىن شەتەلدەن كەلگەن پاتسيەنت پروۆيزورلىق ستاتسيوناردا بولعان.
ءۇش پاتسيەنتتىڭ پوليسەگمەنتارلى ەكى جاقتى پنەۆمونياسىنىڭ بولۋىنا بايلانىستى جاعدايى ورتاشا, قالعاندارىنىڭ جاعدايى ىندەتتى سيمپتومسىز تاسىمالداۋشى رەتىندە باعالاندى.
بۇگىنگى تاڭدا مەگاپوليستە ەمدەلىپ جازىلعانداردىڭ سانى 96 ادام.
جۇقپالى اۋرۋلار ستاتسيونارلارىندا كوروناۆيرۋستىق ينفەكتسيادان ەمدەۋدە الماتى وبلىسىنان قوسىلعان پاتسيەنتتى ەسەپكە العاندا 739 ادام بار.
جالپى ناۋقاستانعانداردىڭ جاي-كۇيلەرىنە كەلەر بولساق, ءبىر ادامدا – اسا اۋىر, 33 ادامدا – اۋىر, 195 ادامدا – ورتاشا اۋىرلىق دارەجەسىندە, قالعاندارىنىڭ جاعدايى قاناعاتتانارلىق.
ءدال بۇگىنگى كۇنگە دەيىن الماتىدا كوروناۆيرۋستىق ينفەكتسيا جۇقتىرۋدىڭ راستالعان 842 جاعدايى تىركەلىپ وتىر.
