ساياساتكەردىڭ ايتۋىنشا, بۇل توپقا الەمدىك كوشباسشىلار, دەنساۋلىق ساقتاۋ سالاسىنداعى ساراپشىلار جانە حالىقارالىق ۇيىمداردىڭ باسشىلارى كىرۋى كەرەك.
«بۇل ءبىر ەلدە كۇرەسۋگە بولاتىن نارسە ەمەس. ۇيلەسىمدى جاھاندىق جاۋاپ بولۋى كەرەك. بۇگىن ءبىز شۇعىل مەديتسينالىق كومەك تۋرالى سويلەسىپ جاتىرمىز, ونى شەشۋ ءۇشىن بىرلەسكەن ءىس-قيمىل قاجەت», - دەدى براۋن.
براۋننىڭ ايتۋىنشا, قازىرگى داعدارىس ونىڭ 2008 جىلى پرەمەر-مينيستر بولعان كەزدەگى جاعدايىنان وزگەشە.
«2008 جىلدارداعى داعدارىس ەكونوميكالىق سەبەپتەرمەن تۋىنداعان جانە ەكونوميكالىق پروبلەما بولدى. قازىر بىزگە, ەڭ الدىمەن, جەدەل مەديتسينالىق كومەك قاجەت, ونى شەشۋ ءۇشىن بىرلەسكەن ءىس-شارالار قاجەت. بىراق ءسىز شۇعىل كومەككە قانشالىقتى كوپ ارالاسساڭىز, سوعۇرلىم ەكونوميكانى قاتەرگە توندىرەسىز. بىزگە قانداي دا ءبىر باسقارۋ كەڭەسى كەرەك. مەن G20-نىڭ وكىلەتتىكتەرىن كەڭەيتۋ كەرەكتىگىن ۇسىنامىن»,- دەدى ۇلىبريتانيا ۇكىمەتىنىڭ بۇرىنعى باسشىسى.
براۋن ۇسىنعان جاھاندىق جۇمىس توبى داعدارىستى ەكى باعىتتا شەشۋگە باعىتتالعان - ۆاكتسينانى ىزدەستىرۋ, سونداي-اق ءوندىرىستى ۇيىمداستىرۋ باعىتىندا بارلىق ەلدەردىڭ مۇمكىندىكتەرىن ءبىر ورتالىققا جۇمىلدىراتىن كۇش.
گوردون سونىمەن بىرگە دۇنيەجۇزىلىك بانك پەن حالىقارالىق ۆاليۋتا قورى بيۋدجەتىن تومەن جانە ورتاشا ەلدەردەگى داعدارىستىڭ سالدارىن جەڭۋگە كومەكتەسۋگە باعىتتاۋ كەرەك.
