بۇگىن الماتىداعى پروۆيزورلىق ورتالىققا وقشاۋلانعان 32 جاستاعى ايەل بوسانىپ تا, ەمدەلىپ تە شىقتى.
اياعى اۋىر كەلىنشەك 12 ساۋىردە №1 قالالىق كلينيكالىق اۋرۋحاناعا 38 گرادۋستان جوعارى دەنە قىزۋىمەن, جوتەل, تاماقتىڭ جىبىرلاۋى سىندى كاتارالدى سيمپتومدارمەن كەلىپ ءتۇستى.
الايدا, جۇكتى ايەل اۋرۋحاناعا كەلىپ تۇسكەن كەزدە ودان كوروناۆيرۋستىق ينفەكتسياعا تالداۋ الىنىپ, ىندەت جۇقتىرماعانى انىقتالعان ەدى.
ول 14 ساۋىردە 2 كۇننەن كەيىن سالماعى 3 كگ-دان اساتىن بالانى دۇنيەگە اكەلدى.
«مەنىڭ كارانتيندە جاتىپ بوسانۋىما تۋرا كەلدى, – دەدى اجار مانحانوۆا, – بۇل مەنىڭ تۇڭعىشىم بولعاندىقتان وتە قاتتى ۋايىمداپ ەدىم. بۇعان دەيىن قاسىما سەرىك بولاتىن اداممەن تۋدى جوسپارلاعانمىن, بىراق بوسانۋ ۋاقىتىم كارانتينگە ءدال كەلدى. بىراق مەديتسينا قىزمەتكەرلەرى كورسەتكەن ۇلكەن قامقورلىقتىڭ ارقاسىندا ءتىپتى جالعىز ەكەنىمدى سەزبەي دە قالدىم. مەنىڭ اتا-انام قالا سىرتىندا تۇرادى, ولار دا مەنى, بالانىڭ جاي-كۇيىن ءوزىم سياقتى قاتتى ۋايىمداپ وتىردى, ازىق-ت ۇلىكپەن, تاماقپەن مەنى كىم قامتاماسىز ەتەدى دەپ ۋايىمداپ وتىردى. بىراق مۇندا تاماق جاعى وتە جاقسى بولدى, مەن ەشتەڭەنى قاجەتسىنبەدىم. ستاتسيوناردىڭ مەديتسينا قىزمەتكەرلەرىنە ۇلكەن راقمەت ايتقىم كەلەدى. كارانتين كەزىندە مەن ولاردان كوپ نارسەنى ۇيرەندىم, جاس انالاردىڭ كۋرسىنان ءوتتىم دەپ تە ايتۋعا بولادى».
«بۇگىن اناسى ۇلىمەن بىرگە باقىلاۋ تالداۋىنان كەيىن ۇيگە ەمدەۋدەن شىعارىلدى. اناسى دا, ءسابي دە وزدەرىن جاقسى سەزىنەدى» – دەدى ستاتسيونار باسشىسى ەرنەست قاليەۆ.
الماتى
