ايماقتار • 25 ءساۋىر، 2020

اتىراۋدا ويىن الاڭدارىندا كوروناۆيرۋس كەيپىندەگى قۋىرشاقتار ءجۇر

646 رەت كورسەتىلدى

وڭىرلىك كوممۋنيكاتسيالار قىزمەتىنىڭ حابارلاۋىنشا،  كارانتين تالابى كۇشەيتىلگەنىنە  قاراماستان، قالاداعى اۋلالاردا، ويىن الاڭدارىندا بالالاردىڭ  ويناۋى  جالعاسۋدا. سوندىقتان  اتا-انالارعا وي سالۋ ءۇشىن كوروناۆيرۋس تۇرىندەگى قۋىرشاقتاردى قولدانىلىپ وتىر.

– بالالاردىڭ دەنساۋلىعىن ساقتاۋ ءۇشىن وسىنداي ءتاسىل ارقىلى اتا-انالاردى ويلاندىرۋدى ءجون كوردىك. ويتكەنى، قاۋىپتى ينفەكتسيا بالالارمەن بىرگە اۋلادا «ويناپ ءجۇرۋى» مۇمكىن. بالالار دالادان جۇقتىرىپ، ۇيگە الىپ كەلۋى  ىقتيمال. بالالاردىڭ شوعىرلانعان جەرىنە كوروناۆيرۋس كەيپىندەگى قۋىرشاقتار بارادى،- دەيدى اتىراۋ وبلىستىق ماحامبەت اتىنداعى اكادەميالىق قازاق دراما تەاترىنىڭ ديرەكتورى بەرىك جامەنوۆ.

بالالاردىڭ كەيبىرى كوروناۆيرۋس كەيپىندەگى قۋىرشاقتى توسىرقاپ قاشقاقتايدى. ال، كەيبىرى ەلىگىپ ويناعىسى كەلەدى. سول كەزدە داۋىس زورايتقىش ىسكە قوسىلادى.

–«قۇرمەتتى اتا-انالار، بالالارىڭىزدىڭ تاعدىرىمەن ويناماڭىزدار. ولاردى قاۋىپ-قاتەرگە يتەرمەلەمەڭىزدەر. ودان دا بالالارعا قورعان بولىپ، قورعانىڭىزدار. كوروناۆيرۋس ىندەتى الەمدە تالاي بالانىڭ اجالىنا اينالدى. كوزگە كورىنبەيتىن قاتەر جانىڭىزدا ءجۇرۋى ابدەن مۇمكىن. بالاڭىز كوروناۆيرۋستىڭ كەلەسى قۇربانىنا اينالماسىنا كىم كەپىل؟! كارانتين – دالادا وينايتىن  ەمەس، ۇيدە قاۋىپسىزدىكتى ويلايتىن ۋاقىت.  بالالارىڭىزدىڭ،  وتباسىڭىزدىڭ اماندىعى ءۇشىن ۇيدە وتىرىڭىز، ۇيدە ويناڭىز. كارانتين بىتكەنشە شىداڭىز. بۇل – سىزدەردىڭ قاۋىپسىزدىكتەرىڭىز ءۇشىن جاسالعان شەشىم. تارتىپكە باعىنىپ، سابىرلى بولىڭىزدار» دەگەن سوزدەر ەستىلەدى،- دەيدى بەرىك جامەنوۆ.

ۇيىمداستىرۋشىلار وسىنداي ءتاسىل ارقىلى اتا-انالاردى ويلاندىراتىنىنا  سەنەدى.

سوڭعى جاڭالىقتار

پرەزيدەنت الماتى اكىمىن قابىلدادى

پرەزيدەنت • بۇگىن، 14:07

وتكەن تاۋلىكتە 187 ادام ىندەت جۇقتىردى

كوروناۆيرۋس • بۇگىن، 10:40

دوللار ارزاندادى

قارجى • كەشە

ۇقساس جاڭالىقتار