قوعام • 25 ءساۋىر، 2020

100 مىڭنان استام الماتىلىق كوممۋنالدىق تولەمگە جەڭىلدىك الادى

71 رەت كورسەتىلدى

الماتىدا كوممۋنالدىق قىزمەتتەرگە ۇكىمەت تاراپىنان وتەلەتىن 15 مىڭ تەڭگەنى الاتىنداردىڭ ءتىزىمى جاڭارتىلدى.

الماتى قالاسى الەۋمەتتىك ءال-اۋقات باسقارما باسشىسى راحات شيماشەۆا. ونلاين بريفينگ بارىسىندا بۇل ءتىزىمنىڭ ءۇشىنشى رەت جاڭارتىلىپ وتىرعانىن جەتكىزدى.

ەگەر تىزىمگە العاشقىدا 60 مىڭ ادام ىلىنسە، بۇل جولى ءتىزىم بويىنشا جەڭىلدىككە ىلىنگەندەر سانى 108 500. قازىرگى كەزدە ءتىزىم الماتى قالاسىنىڭ ەنەرگوتيىمدىلىك جانە ينفراقۇرىلىمدىق دامۋ باسقارماسىنا بەرىلدى. اتالعان ۆەدومستۆو باسشىسى اسەت ماساباەۆ ءساۋىردىڭ كوممۋنالدىق تولەماقىسى مامىردا، ال مامىر ايىنىڭ تولەمدەرى ماۋسىمدا تولەنەتىندىگىن جەتكىزدى.

بۇگىندە 60 مىڭ ادامعا اقشا بولۋگە ءوتىنىش بەرىلگەن. الايدا تىزىمدەگىلەردىڭ سانى ءجۇز مىڭنان اسىپ كەتكەن. دەگەنمەن ءا.ماساباەۆتىڭ ايتۋىنشا، 100 299 ادام جەڭىلدىكتى الۋعا قۇقىلى. بۇگىندە 2 مىڭ عانا ادام ءوز مارتەبەسىن راستاي العان. الماتىلىقتار وزدەرىنىڭ تىزىمدە بار-جوعىن 355-19-55 ءنومىرى ارقىلى بىلە الادى.

 

الماتى

سوڭعى جاڭالىقتار

ۇقساس جاڭالىقتار