«جىلىمىقتىڭ اسەرىنەن, قار جامىلعىسىنىڭ تۇراقسىز بولۋىنا جانە كۇننىڭ ىسۋىنا بايلانىستى كىشى جانە ۇلكەن الماتى (2500 مەتر بيىكتىگىنەن جوعارى اۋماقتا) وزەندەرى سۋ الابىندا 24-30 ءساۋىر ارالىعىندا قار كوشكىنى قاۋپى ساقتالادى. توتەنشە جاعدايدىڭ الدىن الۋعا بايلانىستى, قارلى بەتكەيلەرگە شىعۋ ۇسىنىلمايدى. تاۋدا اباي بولىڭىزدار» دەلىنگەن مالىمدەمەدە.
سوڭعى كۇندەرى الماتى قالاسى مەن وبلىسى اۋماعىندا تاۋ بوكتەرىنە دەمالىسقا شىعاتىنداردىڭ قاراسى كوبەيگەن. ماماندار تۇرعىنداردى اسىعىستىققا بوي الدىرماۋعا شاقىردى. وسىعان بايلانىستى ەسكەرتۋلەر ازاماتتاردىڭ ۇيالى بايلانىس نومىرلەرىنە دە حابارلاما رەتىندە جولدانعان.
