– ەگەر كارانتين جاعدايىندا ءبىز قىلمىس دەڭگەيىنىڭ تومەندەگەنىن بايقاساق, ءورت وقيعالارى سول بۇرىنعى قالپىندا.
بيىلعى جىلدىڭ ءبىرىنشى توقسانىندا ءورت سانى ءبىر وقيعاعا عانا ازايىپ, بارلىعى 138 ءورت وقيعاسى تىركەلدى, 3 ادام قۇتقارىلىپ, 58 ادام قاۋىپتى ايماقتاردان ەۆاكۋاتسيالاندى. كۇن سايىن تەلەارنالاردىڭ كومەگىمەن ۇيدەگى كارانتين كەزىندە ءورت قاۋىپسىزدىگىنىڭ قاراپايىم ەرەجەلەرىن ساقتاۋ قاجەتتىلىگى تۋرالى ەسكەرتىپ وتىرامىز!
الايدا, كۇن ىسۋىنا بايلانىستى قۇرعاق شوپتەر مەن قوقىستاردىڭ ورتەنۋى ورىن الىپ وتىر. 1 اقپاننان باستاپ قۇرعاق ءشوپتىڭ جانۋىنا قاتىستى175-تەن استام جاعداي تىركەلگەن, جالپى اۋدانى 29 گا-دان استام, بۇل وتكەن جىلدىڭ وسى كەزەڭىمەن سالىستىرعاندا 13%-عا ارتىق. قۇرعاق شوپتەردىڭ ورتەنۋى كوبىنە تۇركسىب, الاتاۋ, مەدەۋ اۋداندارىندا ورىن الادى, دەيدى الماتى قالاسى توتەنشە جاعدايلار دەپارتامەنتىنىڭ باسشىسى.
بيىل 31 ناۋرىزدا قالا اكىمشىلىگىندە توتەنشە جاعدايلاردىڭ الدىن الۋ جانە ولاردى جويۋ جونىندەگى كوميسسيانىڭ وتىرىسى وتكەن, وندا تابيعي ورتتەردىڭ الدىن الۋعا باعىتتالعان شارالار كەشەنى بەكىتىلىپ, ناقتى تاپسىرمالار بەرىلدى.
كۇشتەر مەن قۇرىلىمداردىڭ جاۋىنگەرلىك دايىندىق دەڭگەيىن ارتتىرۋ ءۇشىن تج دەپارتامەنتىندە تابيعي ورتتەردى سوندىرۋگە ارنالعان جەدەل ارەكەت ەتۋشى توپ قۇرىلدى.
تۇتاستاي العاندا, تاۋ-ورمان القابىندا جوعارى دەڭگەيدەگى ءورت تۋىنداعان جاعدايدا ونى سوندىرۋگە 300-دەن استام جەكە قۇرام, جوعارى قوزعالتقىشتاعى 23 بىرلىك تەحنيكا جۇمىلدىرىلىپ, 500 قاپشىقتاعى ءورت سوندىرگىشى, 500 كۇرەك جانە 156 جارىلعىشتار دايىن.
ىلە الاتاۋى مۇتپ بالانسىندا 6 ءورت مۇناراسى, 1 ءورت ءسوندىرۋ كولىگى, 4 موتور سورعىسى, 88 قاپشىقتاعى ءورت سوندىرگىش, 1263 جارىلعىش, 106 بالتا, 4 بىلەزىك تىزبەك جانە 322 كۇرەك بار.
ورتتەردى ءسوندىرۋ جانە اۆاريالىق-قۇتقارۋ جۇمىستارىن جۇرگىزۋ ءۇشىن الماتى قالاسى اكىمدىگى 109 قۇتقارۋ قىزمەتىنىڭ جانە قر ءىىم تجك «قازاۆياقۇتقارۋ» اق-ىڭ تىكۇشاقتارى قاتىسادى.
تاۋلى-ورماندى جەرلەردە ورتتەردىڭ الدىن الۋ ءۇشىن جىل سايىن جەرگىلىكتى پوليتسيامەن بىرلەسىپ پاترۋلدەۋ جۇرگىزىلەدى. وتكەن جىلى 400-دەن استام وت جاعۋ جاعدايدا تىيىم سالىندى, 35 جەكە تۇلعا اكىمشىلىك جاۋاپكەرشىلىككە تارتىلدى.
– وسى مۇمكىندىكتى پايدالانىپ جەكە تۇرعىن ءۇي سەكتورىنىڭ تۇرعىندارىنا كوكتەم-جاز ماۋسىمىنا دايىندىق كەزىندە ءورت قاۋىپسىزدىگى تالاپتارىن ەسكەرۋ كەرەكتىگىن ايتقىم كەلەدى. باۋ-باقشاداعى قۇرعاق شوپتەر, جاپىراقتار مەن قوقىستاردى جاعۋ كوبىنەسە عيماراتتاردا ءورتتىڭ پايدا بولۋىنا اكەلەدى. كىنالى ادامدار اكىمشىلىك جاۋاپكەرشىلىككە, ال اۋىر زارداپتار تۋىنداعان جاعدايدا قىلمىستىق جاۋاپكەرشىلىككە تارتىلادى, – دەدى الماتى قالاسى توتەنشە جاعدايلار دەپارتامەنتىنىڭ باسشىسى, ورتكە قارسى قىزمەتىنىڭ گەنەرال-مايورى سەرىك اۋباكىروۆ.
