قازاقستان • 24 ءساۋىر، 2020

قازاقستاننىڭ 450 ەلدى مەكەنى مامىر ايىنىڭ سوڭىنا دەيىن كەڭجولاقتى ينتەرنەتكە قوسىلادى

126 رەت كورسەتىلدى

«قازاقتەلەكوم» كومپانياسى مامىر ايىنىڭ سوڭىنا دەيىن قازاقستاننىڭ 450-دەن استام اۋىلدىق ەلدى مەكەنىندە كەڭجولاقتى ينتەرنەت وتكىزۋدى جوسپارلاپ وتىر.

كومپانيا كوروناۆيرۋس ىندەتىنە قاراماستان، تالشىقتى-وپتيكالىق بايلانىس جەلىلەرىن (توبج) سالۋ جوسپارلارى ءوز كۇشىندە ەكەنىن ءتۇسىندىردى. اعىمداعى جىلى 69 ەلدى مەكەندە جۇمىستار اياقتالدى، جوبا ىسكە قوسىلعاننان بەرى ينتەرنەتكە  قوسىلعان اۋىلداردىڭ سانى 373-كە جەتتى.

كومپانيا ەلىمىزدىڭ اۋىلدىق ەلدى مەكەندەرىنە تالشىقتى-وپتيكالىق بايلانىس جەلىسىن سالۋ جوباسى قالا مەن اۋىل اراسىنداعى «تسيفرلى  تەڭسىزدىك» ماسەلەسىن تۇبەگەيلى شەشىلەتىنىن ايتىپ وتىر.

جوبانىڭ تەحنيكالىق سيپاتتامالارى 14،5 مىڭ شاقىرىم تالشىقتى-وپتيكالىق بايلانىستاردى سالۋدى قاراستىرادى، ولار ەلىمىزدىڭ 828 اۋىلدىق ەلدى مەكەندەرىندە ورناتىلادى.

بۇل 2 496 مەملەكەتتىك مەكەمەلەر مەن بيۋدجەتتىك ۇيىمداردى (مەكتەپتەر، اۋرۋحانالار، اكىمدىكتەر، مەكتەپ-ينتەرناتتار، ۇلتتىق قورعانىس وبەكتىلەرى، پوليتسيا، توتەنشە جاعدايلار قىزمەتى جانە باسقالارى) كەڭجولاقتى ينتەرنەتكە جانە دەرەكتەردى بەرۋ قۇرالدارىنا قوسۋعا مۇمكىندىك بەرەدى. بۇگىنگى تاڭدا جوبانى ىسكە اسىرۋ دەڭگەيى شامامەن 50% جەتتى.

«قازاقتەلەكوم» اق بيۋدجەتتىك ۇيىمداردى ساتۋ دەپارتامەنتىنىڭ ديرەكتورى حاكىم ورىنباەۆ توتەنشە جاعدايعا بايلانىستى اياقتالعان نىسانداردى جالعاۋ قيىنداي تۇسكەنىن ايتتى.

«مەملەكەتتىك مەكەمەلەردى بايلانىس قىزمەتتەرىمەن قوسۋ جۇمىسى ءبىر مينۋتقا دا توقتامايدى، ويتكەنى بۇل جوبانىڭ ماڭىزدىلىعىن ءبارى تۇسىنەدى. ءبىز بارلىق ماسەلەلەردى تەز شەشۋگە جانە جوبانىڭ ۋاقتىلى ورىندالۋىن قامتاماسىز ەتۋگە تىرىسامىز »، - دەدى ول.

كومپانيانىڭ مالىمەتىنشە، 2020 جىلدىڭ ءساۋىر ايىنىڭ سوڭىنا دەيىن 400-دەن استام اۋىلدىق ەلدى مەكەندەرگە تالشىقتى-وپتيكالىق بايلانىس جەلىلەرىنىڭ قۇرىلىسىن اياقتاۋ جوسپارلانۋدا، ال مامىر ايىنىڭ سوڭى ولاردىڭ سانى 500 گە دەيىن كوبەيەدى.

جالپى، جوبا 2020 جىلدىڭ سوڭىنا دەيىن 2500-گە جۋىق مەملەكەتتىك مەكەمەنى جوعارى جىلدامدىقتى ينتەرنەتپەن قامتاماسىز ەتۋگە مۇمكىندىك بەرەدى.

سوڭعى جاڭالىقتار

قاجەت سوزدەر ۋاقىتىندا ايتىلدى

رۋحانيات • بۇگىن، 07:10

ءموبيلدى توپ باقىلايدى

ايماقتار • بۇگىن، 07:03

انتيبيوتيك كەرى اسەر ەتۋى مۇمكىن

مەديتسينا • بۇگىن، 06:57

COVID-19: كۇرەس شارالارىنا قارجى ءبولىندى

كوروناۆيرۋس • بۇگىن، 06:45

بەيقامدىقتان ارىلار ەمەس

قوعام • بۇگىن، 06:39

ءوندىرىس كولەمىن 5 ەسەگە ارتتىردى

تەحنولوگيا • بۇگىن، 06:36

ساقتىقتا قورلىق جوق

كوروناۆيرۋس • بۇگىن، 06:30

تۇركىستان جاسىل قالاعا اينالۋدا

وڭتۇستىك قازاقستان • كەشە

ۇقساس جاڭالىقتار