تمد جانە ەۋرازيا ەلدەرىنىڭ ونكولوگتارى مەن راديولوگتارىنىڭ XI سەزى شەڭبەرىندە وتكەن جاس عالىمدار بايقاۋىندا ن.ومارباەۆانىڭ «رول گەنەتيچەسكيح يسسلەدوۆاني پري راكە مولوچنوي جەلەزى ۆ كازاحسكوي پوپۋلياتسي: رەزۋلتاتى سەكۆەنيروۆانيە نوۆوگو پوكولەنيا» عىلىمي جۇمىسى ءبىرىنشى ورىنعا يە بولدى.
اتالعان سەكتسياعا رف, وزبەكستان, قازاقستان جانە بەلارۋس ەلدەرىنىڭ 10 جاس عالىمدارى قاتىسقان. عىلىمي جۇمىس قازاق ونكولوگيا جانە راديولوگيا عىلىمي-زەرتتەۋ ينستيتۋتىنىڭ بازاسىندا, قازوجرعزي باسقارما ءتورايىمى, ۇعا اكادەميگى, پروفەسسور, م.ع.د. د.ر. قايداروۆانىڭ باسشىلىعىمەن جۇرگىزىلگەن زەرتتەۋ ناتيجەلەرى بويىنشا دايىندالدى.
NGS نەگىزىندەگى زەرتتەۋ (جاڭا بۋىندى سەكۆەنيرلەۋ) ءسۇت بەزى وبىرى كەزىندە گەنەتيكالىق مۋتاتسيالاردى انىقتاۋعا, سكرينينگتىك باعدارلامانى جەتىلدىرۋ بويىنشا بەيىمدىلىكتىڭ گەنومدىق دياگنوستيكاسىن ازىرلەۋگە, ءسۇت بەزى وبىرىنىڭ الدىن الۋعا جانە ۋاقتىلى دياگنوستيكالاۋعا مۇمكىندىك بەردى.
مۋتاتسيا سپەكترلەرى جەكەلەگەن ەلدەر مەن ەتنيكالىق توپتار اراسىندا قاتتى ەرەكشەلەنەدى, بۇل جەرگىلىكتى پوپۋلياتسيادا دياگنوستيكالىق ماڭىزى بار مۋتاتسيالاردى ىزدەۋ قاجەتتىلىگىن نەگىزدەيدى. قازاقستان رەسپۋبليكاسىندا العاش رەت ءسۇت بەزى وبىرىنىڭ تۇقىم قۋالايتىن دامۋىمەن بايلانىستى گەندەردىڭ مۋتاتسيالارى انىقتالدى.
نازگۇل ومارباەۆا قازاق ونكولوگيا جانە راديولوگيا عىلىمي-زەرتتەۋ ينستيتۋتىندا 2013 جىلدان بەرى جۇمىس ىستەيدى. ماممولوگيا ورتالىعىنىڭ ءبىرىنشى ساناتتى دارىگەرى, PhD دوكتورانتى. 2011 جىلى ۇزدىك ديپلوممەن سەچەنوۆ اتىنداعى ماسكەۋ مەملەكەتتىك مەديتسينالىق ۋنيۆەرسيتەتىن بىتىرگەن. بولاشاق ستيپەندياسىنىڭ يەگەرى. ماسكەۋدەگى ن. بلوحين اتىنداعى رەسەي ونكولوگيالىق عىلىمي ورتالىقتىڭ ينتەرناتۋراسىن تامامداعان. ۆاشينگتوندا National cancer institute جانە سينگاپۋردا National institutes hospital تاجىريبەسىنەن وتكەن.
الماتى
