كارانتين كەزىندە رايىمبەك – الماتى جول ۋچاسكەسىندە قوزعالىس بولىگىن كەڭەيتۋگە قاتىستى كۇردەلى جوندەۋ جۇمىستارىنا 117 ادام جانە 61 تەحنيكا جۇمىلدىرىلعان. سايرانبەك بارماقوۆتىڭ ايتۋىنشا, وسى جول بولىگىندە كوممۋنيكاتسيالاردى تاسىمالداۋ, جوندەۋ جۇمىستارى ۇيىمداستىرىلعان. جول-قۇرىلىس ماتەريالدارى دايىندالدى. جىل سوڭىنا دەيىن جول بويىندا تولىقتاي قوزعالىس اشىلىپ, جاياۋ جۇرگىنشىلەرگە ارنالعان جەر ءۇستى وتكەلدەرى مەن جاساندى قۇرالداردىڭ جۇمىسى اياقتالادى. شامالعان ستانساسىنداعى جول وتكەلىنىڭ قۇرىلىسى – ۇزىندىعى 6 شاقىرىمدى قۇرايتىن, ءار باعىتتا 2 جولاقتان, 4 جولاقتى قوزعالىسقا لايىقتالعان 1 ساناتتاعى جول رەتىندە جوبالانعان.
تەمىرجولمەن قيلىسقان جەردە ۇزىندىعى 340 مەتر بولاتىن ەستاكادا جوباسى ازىرلەندى. ەستاكادا جول قوزعالىسى قاتىسۋشىلارىنا اۆتوموبيل جولىنىڭ اتالمىش ۋچاستكەسىن ەش كەدەرگىسىز وتۋىنە مۇمكىندىك بەرەدى. قازىرگى تاڭدا جوبالاۋ-رەتتەۋ جۇمىستارى اياقتالۋعا جاقىن. مەردىگەر كومپانيا تەحنيكاسى مەن جابدىقتارىن جۇمىلدىرۋدا. قاجەتتى ماتەريالدار دايىندالىپ جاتىر. ىرگەتاسىن كوتەرۋ مەن ەستاكادا سالۋ جۇمىستارى باستالىپ كەتتى.
الماتى
